Esdras 2 - Bible in Tzotzil de ChamulaTi jloq'ueletic talel ta Babiloniae ( Neh 7.5-73 ) 1 Oy israeletic voq'uemic ta Judá ti bec'bil batic ta Babilonia yu'un ti ajvalil Nabucodonosore, ti sutic batel ta Jerusalene, ti ts'acal to une, batic ta naclej ti bu sna'ojic ti slumal stuquic ta yosilal ti Judae. 2 Ti jvolvanejetic yu'un ti jujuchop ti loc' talele, ja'ic ti Zorobabele, ti Josuee, ti Nehemíase, ti Seraíase, ti Reelaíase, ti Mardoqueoe, ti Bilsane, ti Mispare, ti Bigvaie, ti Rehume, xchi'uc ti Baanae. Ti li'e, xi s'elan ti c'u yepal sutic batele: 3 Ta sventa snitilultac ti Parose, oy cha'mil xchi'uc lajcheb sbalunvinic (2,172) ta vo'. 4 Ta sventa snitilultac ti Sefatíase, oy lajcheb sbalunlajunvinic (372) ta vo'. 5 Ta sventa snitilultac ti Arae, oy vucub ciento xchi'uc vo'lajuneb xchanvinic (775) ta vo'. 6 Ta sventa snitilultac ti Pahat-moabe, ti xcaltique, snitilulic ti Josuee, xchi'uc ti Joabe, oy cha'mil xchi'uc lajcheb ta sbalunebal ciento (2,812) ta vo'. 7 Ta sventa snitilultac ti Elame, oy jmil xchi'uc chanlajuneb yoxlajunvinic (1,254) ta vo'. 8 Ta sventa snitilultac ti Zatue, ja' oyic baluneb ciento xchi'uc vo'ob yoxvinic (945) ta vo'. 9 Ta sventa snitilultac ti Zacaie, oy vucub ciento xchi'uc oxvinic (760) ta vo'. 10 Ta sventa snitilultac ti Binuye, oy vaquib ciento xchi'uc chib yoxvinic (642) ta vo'. 11 Ta sventa snitilultac ti Bebaie, oy vaquib ciento xchi'uc oxib xcha'vinic (623) ta vo'. 12 Ta sventa snitilultac ti Azgade, oy jmil xchi'uc chib xlajcha'vinic (1,222) ta vo'. 13 Ta sventa snitilultac ti Adonicame, oy vaquib ciento xchi'uc vaquib xchanvinic (666) ta vo'. 14 Ta sventa snitilultac ti Bigvaie, oy cha'mil xchi'uc vaclajuneb yoxvinic (2,056) ta vo'. 15 Ta sventa snitilultac ti Adine, oy chanib ciento xchi'uc chanlajuneb yoxvinic (454) ta vo'. 16 Ta sventa snitilultac ti Atere, ti xcaltique, snitilul ti Ezequíase, oy vaxaclajuneb yo'vinic (98) ta vo'. 17 Ta sventa snitilultac ti Bezaie, oy oxib yuclajunvinic (323) ta vo'. 18 Ta sventa snitilultac ti Jorae, oy lajcheb svacvinic (112) ta vo'. 19 Ta sventa snitilultac ti Hasume, oy oxib xlajcha'vinic (223) ta vo'. 20 Ta sventa snitilultac ti Gibare, oy vo'lajuneb yo'vinic (95) ta vo'. 21 Ti viniquetic ti liquem talel ta Belene, oy oxib yucvinic (123) ta vo'. 22 Ti viniquetic ti liquem talel ta Netofae, oy vaclajuneb yoxvinic (56) ta vo'. 23 Ti viniquetic ti liquem talel ta Anatote, oy vaxaquib yucvinic (128) ta vo'. 24 Ti viniquetic ti liquem talel ta Bet-azmavete, oy chib yoxvinic (42) ta vo'. 25 Ti viniquetic ti liquem talel ta Quiriat-jearime, ti ta Cafirae, xchi'uc ti ta Beerote, oy vucub ciento xchi'uc oxib yoxvinic (743) ta vo'. 26 Ti viniquetic ti liquem talel ta Ramae, xchi'uc ti ta Gebae, oy vaquib ciento xchi'uc jun xcha'vinic (621) ta vo'. 27 Ti viniquetic ti liquem talel sts'unubalic ta stojol ti Micmase, oy chib yucvinic (122) ta vo'. 28 Ta sventa snitilultac ti Betele, xchi'uc ti Haie, oy oxib xlajcha'vinic (223) ta vo'. 29 Ti viniquetic ti liquem talel ta Neboe, oy lajcheb yoxvinic (52) ta vo'. 30 Ti viniquetic ti liquem talel ta Magbise, oy vaclajuneb xvaxacvinic (156) ta vo'. 31 Ti viniquetic ti liquem talel ta Elame, oy jmil xchi'uc chanlajuneb yoxlajunvinic (1,254) ta vo'. 32 Ti viniquetic ti liquem talel ta Harime, oy vaclajunvinic (320) ta vo'. 33 Ti viniquetic liquem talel ta Lode, ta Hadide, xchi'uc ta Onoe, oy vucub ciento xchi'uc vo'ob xcha'vinic (725) ta vo'. 34 Ti viniquetic ti liquem talel ta Jericoe, oy vo'ob xvaxaclajunvinic (345) ta vo'. 35 Ti viniquetic ti liquem talel ta Senaae, oy oxmil xchi'uc lajuneb xcha'vinic ta yucubal ciento (3,630) ta vo'. 36 Ti paleetic ti liquem talel sts'unubalic ta stojol Jedaíase, ti snitilultac ti Josuee, oy baluneb ciento xchi'uc oxlajuneb xchanvinic (973) ta vo'. 37 Ta sventa snitilultac ti Imere, oy jmil xchi'uc lajcheb yoxvinic (1,052) ta vo'. 38 Ta sventa snitilultac ti Pasure, oy jmil xchi'uc vucub yoxlajunvinic (1,247) ta vo'. 39 Ta sventa snitilultac ti Harime, oy jmil xchi'uc vuclajuneb (1,017) ta vo'. 40 Ta levitaetic snitilultac ti Josuee, xchi'uc ti Cadmiele, ta alel xtoque, snitilultac ti Hodavíase, oy chanlajuneb xchanvinic (74) ta vo'. 41 Ti jq'uejimoletic snitilultac ti Asafe, oy vaxaquib yucvinic (128) ta vo'. 42 Ti jchabiej ti'naetique, ja'ic ti snitilultac ti Salume, ti Atere, ti Talmone, ti Acube, ti Hatitae, ti Sobaie. Ti ta scotolique, oy balunlajuneb yucvinic (139) ta vo'. 43-54 Ti jtuneletic ta ch'ulnae, ja'ic snitilultac ti Zihae, ti Hasufae, ti Tabaote, ti Querose, ti Siahae, ti Padone, ti Lebanae, ti Hagabae, ti Acube, ti Hagabae, ti Salmaie, ti Hanane, ti Gidele, ti Gahare, ti Reaíae, ti Rezine, ti Necodae, ti Gazame, ti Uzae, ti Paseahe, ti Besaie, ti Asenae, ti Meunime, ti Nefusime, ti Bacbuque, ti Hacufae, ti Harhure, ti Bazlute, ti Mehidae, ti Harsae, ti Barcose, ti Sisarae, ti Temae, ti Nesíahe, xchi'uc ti Hatifae. 55-57 Ti snitilultac ti yajtuneltac ti Salomone, ja'ic ti lic talel sts'unubal ta snitilulic ti Sotaie, ti Soférete, ti Perudae, ti Jaalae, ti Darcone, ti Guidele, ti Sefatíase, ti Hatile, ti Poquéret-hasebaime, xchi'uc ti Amone. 58 Scotol ti jtuneletic yu'un ti ch'ulnae, xchi'uc snitilultac yajtuneltac ti Salomone, oy oxib ciento xchi'uc lajcheb yo'vinic (392) ta vo'. 59 Ti c'u yepal c'otic ti liquic talel ta Tel-melae, ti ta Tel-harsae, ti ta Querube, ti ta Adone, xchi'uc ti ta Imere, ti mu na'bajuc mi ja' sts'unubal ti Israele, xi s'elane: 60 ja'ic snitilultac ti Delaíase, ti Tobíase, xchi'uc ti Necodae. Oy vaquib ciento xchi'uc lajcheb yoxvinic (652) ta vo'. 61 Yan ta snitilultac ti paleetique, xi s'elane: ja'ic snitilultac ti Hobaíae, ti Cose, xchi'uc ti Barzilaie, ti ja' laj yic'be stseb Barzilai ti oy ta Galaade, ti ja' laj yich'be sbi ti jchop le'e. 62 Taj une, laj yich' sa'bel sbiic ta svunal ti bu tsacal sbiic ta jujuchope. Mu'yuc xtabat ti sbiique. Ch'acal c'ot ti oy sc'oplal ta x'ochic ta paleale. 63 Ma'uc no'ox taj une, laj yal mantal ti ajvalile ti mu xu' ta slajesic ti c'usitic ac'bil xa ta ventainele mi mu'yuc to ta st'un ti pale ta sventa ti Urime ti Tumime. 64 Ta scotol ti laj stsob sbaic ti jteclume, oy chib yoxvinic mil xchi'uc vaxaclajunvinic (42,360) ta vo'. 65 Oy vucmil xchi'uc vuclajuneb yuclajunvinic (7,337) ta vo' ti mu'yuc tsacbilic ta atel ti mosovil viniquetic antsetique. Ja' jech xtoc, oy yu'unic lajunvinic (200) ta vo' jq'uejimol viniquetic antsetic. 66 Oy yu'unic xtoc vucub ciento xchi'uc vaclajuneb xcha'vinic (736) ta cot ca'etic, xchi'uc vo'ob yoxlajunvinic (245) ta cot mula. 67 Oy yu'unic chanib ciento xchi'uc vo'lajuneb xcha'vinic (435) ta cot camelloetic. Oy vacmil xchi'uc jtob ta xvaxaquibal ciento (6,720) ta cot ti burroe. 68 Oy jlom banquilaletic ta jujuchop, c'alal c'otic ta xch'ulna Dios ta Jerusalene, loc' ayan ta yo'nton ta yaq'uel sventa ti c'usitic ta xtun ta xcha'meltsanobil xch'ulna Dios ti bu ono'ox ti yavile. 69 Laj yaq'uic ti c'u yepal xu' yu'unic sventa ta xtun ta sliquesel abtele, chanib ciento xchi'uc vaxaquib yo'vinic (488) ta kilo ti oroe, cha'mil xchi'uc lajuneb yoxvinic ta xvaxaquibal ciento (2,750) ta kilo ti platae, xchi'uc vo'vinic (100) ta lic loin c'u'il sventa ti palee. 70 Ti paleetique, ti levitaetique, xchi'uc ti jlom jteclum une, com naquiicuc ta Jerusalén. Ja'uc ti jq'uejimoletique, ti jchabiej ti'nae, ti jtuneletic ta ch'ulnae, xchi'uc ti jlom israeletique, com naquiicuc ta steclumal stuquic ta jujun. |
Biblia en Tzotzil de Chamula, Chiapas, México © Sociedad Bíblica de México, A.C. 2000
Bible Society of Mexico