Eclesiastés 11 - Bible in Tzotzil de Chamula

¹ Chapalucot ta yaq'uel ti avot ava'ale, ta sjalil un, ta xc'ot yorail ta xatabe xq'uexol.

² T'olbijan xchi'uc ti bu xu' avu'un ti c'usi xloc' x'ayan avu'une, yu'un mu xana' ti oy c'usi chopol ta xvul ta loq'uel ta muc' ta jteclume.

³ Yu'un mi limil no'ox ti c'ac'ale, ta xtal vo' ta banomil. Mi ta xbutq'uij batel ti te' ta stuq'uil ta yolon ti yolon xocon sloq'ueb c'ac'ale, mi ta xbutq'uij batel ti te' ta yolon ti yac'ol xocon sloq'ueb c'ac'ale, jech com o ti bu butq'uij batele.

⁴ Ti buch'u batem yo'nton ta sq'uelel ti xjumet ti iq'ue, mu'yuc c'usi ta sts'un; ti buch'u t'ojol sat ta sq'uelel ti toque, mu'yuc c'usi ta stsob.

⁵ Jech c'u cha'al mu xana' bu sq'ueloj batel ti ic' ti xjumet no'ox ta x'ech'e, jech mu xana' c'u s'elan ta xc'ataj talel ti olol ta xch'ut ti sme'e, ja' jech mu xana' c'usi xu' ta spas ti Diose, yu'un ja' yabtel scotol ti c'usitic oye.

⁶ Avo ti ats'unobal ti sob yovolale. Avo xtoc ti x'anilaj ti ts'acal yovolale, yu'un mu na'baj bu jtosucal yovolal ti lec ta xloq'ue, mi ja' ti ba'yele, mi ja' ti ts'acale, mi xchibal xch'a yovolal ti lec ta xaq'ue.

⁷ Sac jaman ta q'uelel ma' ti banomil une. Jun yutsil ta xil satil ti xojobal c'ac'ale.

⁸ Manchuc mi jal jabil ti ch'iel c'opojele, ta sc'upinel stunesel scotol taje, vuleso ta avo'nton, jal ta j'ech'el ic'uneb ti osil banomile. Scotol c'usitic ta to xc'ot ta pasel ta ts'acale, naca pich' o'ntonal ta xac'.

Sbijubtasel ti jch'iel jc'opojeletique

⁹ Querem, c'upino ti ach'iel ac'opojel ti oy to yipal avu'une. Ti c'u yepal ataoj avie, c'upino ta stunesel. Ac'bo aba ti bu xa c'alal xal ti avo'nton ti aviloj ta aba ta sate. Ja' no'ox, na'o ava'i un, Dios ta xich'bot ave ta sventa scotol ma' taje.

¹⁰ Nom to c'otuc avu'un ti c'usi xvulvun avo'nton ta snopele, xchi'uc ti c'usi naca vocol ta xaq'ue. Manchuc mi naca to yutsil ti aqueremale, naca pich' o'ntonal ta xac'.