1 Crónicas 8 - Bible in Tzotzil de Chamula

Snitilultac ti Benjamine

¹ Sba xnich'on ti Benjamine, Bela sbi; Asbel sbi ti xchibale; Ahra sbi ti yoxibale;

² Nohá sbi ti xchanibale; Rafá sbi ti yo'obale.

³ Sbi xnich'nab ti Bela laj yile, ja' ti Adare, ti Gerae, ti Abihude,

⁴ ti Abisuae, ti Naamane, ti Ahoahe,

⁵ ti Gerae, ti Sefufane, xchi'uc ti Hirame.

⁶ Xnich'nab ti Aod ti c'otic ta jujuchop banquilaletic ti nacalic ta Gebae, ti bec'bil loq'uic ta Manahate,

⁷ ja' ti Naamane, ti Ahiase, xchi'uc ti Gerae, stotic ti Uzae xchi'uc ti Ahihude, ti ic'vanic loq'uele.

⁸ Ti Saharaime laj to yil yan xnich'nab ta slumal Moab ti c'alal sbajoj xa ox sbaic xchi'uc ti cha'vo' yajnil ti sbiinoj Husime, xchi'uc ti Baarae.

⁹ Ti xnich'nab laj yil xchi'uc ti x'ach'-ajnil Hodese, ja' ti Jobabe, ti Sibiae, ti Mesae, ti Malcame,

¹⁰ ti Jeuse, ti Saquiase, xchi'uc ti Mirmae. Ja' jech yepal xnich'nab ti c'otic ta totiletic yu'un ti jujuchope.

¹¹ Xnich'nab ti laj yilic xchi'uc ti Husim ti yajnil ta ba'yele, ja' ti Abitube, xchi'uc ti Elpaale.

¹² Xnich'nab ti Elpaale, ja' ti Ebere, ti Misame, xchi'uc ti Sémed ti laj sliques ti jteclumetic Onoe, ti Lode, xchi'uc ti bic'tal lumetic ti joyol ta spat ta xocone.

¹³ Oy yan xnich'nab ti Elpaale, ja' ti Beriae, xchi'uc ti Semae, totiletic yu'un ti jujuchop jnaclejetic ta Ajalone, ti laj snutsic loq'uel ti jnaclejetic ta vo'ne ta Gate.

¹⁴ Teyic ec ti xchi'ilic ta voq'uele, ja' ti Sasaque, xchi'uc ti Jerohame.

^15-16 Ti Zebadiase, ti Arade, ti Adere, ti Micaele, ti Ispae, xchi'uc ti Johae, ja' xnich'nab ti Beriae.

^17-18 Ti Zebadiase, ti Mesulame, ti Hizquie, ti Ebere, ti Ismeraie, ti Izliase, xchi'uc ti Jobabe, xnich'nab ec ti Elpaale.

^19-21 Ti Jaquime, ti Zicrie, ti Zabdie, ti Elienaie, ti Ziletaie, ti Eliele, ti Adaiase, ti Beraiase, xchi'uc ti Simrate, ja' xnich'nab ti Simie.

^22-25 Ti Ispane, ti Ebere, ti Eliele, ti Abdone, ti Zicrie, ti Hanane, ti Hananiase, ti Elame, ti Anatotiase, ti Ifdaiase, xchi'uc ti Peniele, ja' xnich'nab ti Sasaque.

^26-27 Ti Samseraie, ti Sehariase, ti Ataliase, ti Jaresiase, ti Eliase, xchi'uc ti Zicrie, ja' xnich'nab ti Jerohame.

²⁸ Taje, naca totil jtsobvanej yu'unic ti jujuchop nitiluletic ti nacalic ta Jerusalene.

Snitilultac ti Saule

²⁹ Ti ta jteclum Gabaone, tey nacal ti Jehiel stot ti Gabaone. Maaca sbi ti yajnile.

³⁰ Ti xnich'nabe, Abdon sbi ti banquilale; Zur, Cis, Baal, Ner, Nadab,

³¹ Gedor, Ahio, Zéquer sbiic ti yane.

³² Tal ec ti Miclot stot ti Simeae. Taje, laj stamic ta spasel ti c'u s'elan ta spas ti xchi'iltac ta voq'uele, jmoj naquiic ta Jerusalén.

³³ Nich'naj ti Nere, Cis laj yac'be sbi. Nich'naj ti Cise, Saúl laj yac'be sbi. Nich'naj ti Saule, Jonatán laj yac'be sbi ti june. Malquisúa laj yac'be sbi ti xchibale. Abinadab laj yac'be sbi ti yoxibale. Es-baal laj yac'be sbi ti xchanibale.

³⁴ Nich'naj ti Jonatane, Merib-baal laj yac'be sbi, stot ti Micaiae.

³⁵ Xnich'nab ti Micaiae, ja' ti Pitone, ti Meleque, ti Tareae, ti Acaze.

³⁶ Nich'naj ti Acaze, Joada laj yac'be sbi. Nich'naj ti Joadae, Alemet laj yac'be sbi ti june. Azmavet laj yac'be sbi ti xchibale. Zimri laj yac'be ti yoxibale. Nich'naj ti Zimrie, Mosa laj yac'be sbi.

³⁷ Nich'naj ti Mosae, Biná laj yac'be sbi, stot ti Rafae. Nich'naj ti Rafae, Elasa laj yac'be sbi, ti ja' stot ti Azele.

³⁸ Oy vaquib xnich'nab ti Azel ti xi s'elan ti sbiique: ti Azricame, ti Bocrue, ti Ismaele, ti Seariase, ti Obadiase, xchi'uc ti Hanane. Taje, naca xnich'nab ti Azele.

³⁹ Xnich'nab xchi'il ta voq'uel ti Eseque, Ulam sbi ti banquilale; Jehús sbi ti xchibale; Elifelet sbi ti yoxibale.

⁴⁰ Xnich'nab ti Ulame, naca banquilal soldado loq'uic ti mu sna' xi'ique, ti xtojobic ta yaq'uel ti yolobe. Ep laj yilic xnich'nabic, smamobtac, ti c'ot ta lajuneb xvaxacvinic (150) ta vo' scotolic, naca sts'unubal Benjamín ma' taj une.