1 Crónicas 7 - Bible in Tzotzil de Chamula

Snitilultac sts'unubal ti Isacare

¹ Ti chanib xnich'nab laj yil ti Isacare, xi s'elane: ti Tolae, ti Fuae, ti Jasube, xchi'uc ti Simrone.

² Xnich'nab ti Tolae, ja' ti Uzie, ti Refaiase, ti Jeriele, ti Jahmaie, ti Ibsame, xchi'uc ti Samuele, banquilaletic yu'un jujuchop snitilultac ti Tolae, viniquetic sts'unubalic o ti vinajem sc'oplalic lec xa'iic ti ac'-letoe, ti mu sna' xi'ique. Jech yepalic c'ot ta chib xcha'vinic mil xchi'uc vaquib ciento (22,600) ta vo' ti c'alal cuxul to ox ti Davide.

³ Xnich'on ti Uzie, ja' ti Israhiase. Xnich'nab ti Israhiase, ja'ic ti Micaele, ti Obadiase, ti Joele, xchi'uc ti Isiase. Vo'ob totiletic ta scotol.

⁴ Ti yepal no'ox ti yajnilique xchi'uc ti xnich'nabique, ti sjel sts'ac sbaic no'ox talel ta epajel ti yalab xnich'nabic ta jujuchope, c'otic ta jvoc' soldado viniquetic ti xtojobic ta ac'-letoe. C'otic ta vaclajuneb xcha'vinic mil (36,000) ta vo' ta scotolic.

⁵ Ti laj yich' chapel ta scotol ti jujuchop snitilultac ti Isacare, loc' vucub yo'vinic ta mil (87,000) viniquetic, scotolic naca j'ac'-letoetic ti mu sna' xi'ique.

Snitilultac ti Benjamine

⁶ Xi s'elan laj yil oxib xnich'nab ma' ti Benjamín une: ti Belae, ti Bequere, xchi'uc ti Jediaele.

⁷ Vo'ob laj yil xnich'nab ti Bela ti xi s'elane: ti Esbone, ti Uzie, ti Uziele, ti Jerimote, xchi'uc ti Irie, totiletic yu'un ti jujuchope, ti naca j'ac'-letoetic scotolic ti mu sna' xi'ique. C'ot c'alal to chib xcha'vinic ta mil xchi'uc chanlajuneb xcha'vinic (22,034) ta vo' ti laj yich'ic chapel ta jujuchop ti snitilultaque.

⁸ Xnich'nab ti Bequere, ja' ti Zemirae, ti Joase, ti Eliezere, ti Elioenaie, ti Omrie, ti Jerimote, ti Abiase, ti Anatote, xchi'uc ti Alemete. Naca xnich'nab Bequer scotolic ma' taj une.

⁹ Ti vinaj ti tsacal ta vun sc'oplalic ti laj ayanuc talel snitilultac ti jujuchop totil me'iletique, loc' ta chapel jtob ta mil xchi'uc lajunvinic (20,200) ta vo' viniquetic ti mu sna' xi'ique.

¹⁰ Xnich'on ti Jediaele, ja' ti Bilhane. Xnich'nab ti Bilhane, ja' ti Jeuse, ti Benjamine, ti Aode, ti Quenaanae, ti Zetane, ti Tarsise, xchi'uc ti Ahisahare.

¹¹ Scotol taje, ja' snitilultac ti Jediaele, totiletic yu'un ti jujuchope, ti naca j'ac'-letoetic ti mu sna' xi'ique, ti chapalic leque, ti c'ot ta vuclajunmil xchi'uc lajunvinic (17,200) ta vo' viniquetic ti loc' ta chapale.

¹² Xnich'nab ti Ire, ja' ti Sufame, xchi'uc ti Hufame. Xnich'on ti Ahere, ja' ti Husime.

Snitilultac ti Neftalie

¹³ Xnich'nab ti Neftalie, ja' ti Jahseele, ti Gunie, ti Jezere, xchi'uc ti Salume. Taje, lic talel sts'unubalic ta stojol ti Bilhae.

Snitilultac sts'unubal ti Manasese

¹⁴ Xnich'nabtac ti Manasés ti laj yil xchi'uc ti sts'acal ajnil siria antse, ja' ti Asriele, xchi'uc ti Maquire, stot ti Galaade.

¹⁵ Ti Maquire laj yic' ti Maacae, jun ants ti liquel talel ta jchop snitilulic ti Hufame xchi'uc ti Sufame. Yits'inal nich'on ti Maquir laj yile, Zelofehad laj yac'be sbi, ti naca tsebetic laj yil ti xnich'nabe.

¹⁶ Ti Maaca yajnil ti Maquire laj yil jun squerem, Peres laj yac'be sbi. Ti xchi'il ta voq'uel ti Perese, Seres laj yac'be sbi. Ti xnich'nab une, Ulam laj yac'be sbi ti june, Requem laj yac'be sbi ti june.

¹⁷ Xnich'on ti Ulame, ja' ti Bedane. Taje, lic talel sts'unubalic ta stojol ti Galaade, ti lic talel sts'unubal ta stojol ti Maquire, ti lic talel sts'unubal ta stojol ti Manasese.

¹⁸ Ti Hamolequete, xchi'il ta voq'uel ti Maquire, ja' sme'ic ti Is-hode, ti Abiezere, xchi'uc ti Mahlae.

¹⁹ Xnich'nab ti Semidae, ja' ti Ahiane, ti Siqueme, ti Liquehie, xchi'uc ti Aniame.

Snitilultac ti Efraine

^20-21 Snitilultac ti Efraín ti laj ech'icuque, ja' ti Sutelae, ti Berede, ti Tahate, ti Eladae, ti Tahate, ti Zabade, ti Sutelae. Ti Ezere, xchi'uc ti Elad yan xnich'nab ti Efraine, lajic ta milel yu'un ti jnaclejetic ti oyic ta yosilal ti Gate, yu'un bat spojbeic ti xchon sbolomique.

²² Ti Efraín ti ja' stotique, jal laj ya'ibe sme'inalil, ti tal patbatuc yo'nton yu'un ti yuts' yalaltaque.

²³ Ts'acal to un, lic xchi'in yajnil ti laj xchi'in yol yu'une. Laj yil jun squerem, Bería laj yac'be sbie, yu'un mu x'ech' xjelav ti vocol ta stojole.

²⁴ Ti Seerae, yantsil nich'on ti Beriae, lic sliques ti jteclum Bet-horón ti oy ta olone, ti Bet-horón ti oy ta ac'ole, xchi'uc ti Uzén-seerae.

^25-27 Snitilultac ti Bería ti xcholet laj ech'icuque, ja' ti Refae, ti Resefe, ti Telahe, ti Tahane, ti Ladane, ti Amiude, ti Elisamae, ti Nune, ti Josuee.

²⁸ Ti sbanomilique, xchi'uc ti bu c'otic ta nacleje, ja' ti Betele, ti Naarán ti oy ta stuq'uil sloq'ueb c'ac'ale, ti Gezer ti oy ta stuq'uil smaleb c'ac'ale, ti Siquem ti c'ot c'alal to Ayahe. Scotol ti jteclumetic laj yu'ninic xchi'uc ti c'u yepal joyol ta spat ta xocone.

²⁹ Snitilultac ti Manasese yu'ninojic ti jteclum Bet-seane, ti Taanaque, ti Meguidoe, ti Dore, xchi'uc scotol ti bic'tal jteclumetic ti joyol ta spat ta xocone. Ti bu taje, naquiic snitilultac ti José xnich'on ti Israele.

Snitilultac ti Asere

³⁰ Xnich'nabtac ti Asere, ja' ti Imnae, ti Isvae, ti Isvie, ti Beriae, xchi'uc ti ants ti Séra sbie, ti xchi'ilic ta voq'uele.

³¹ Xnich'nabtac ti Beriae, ja' ti Hebere, xchi'uc ti Malquiel stot ti Birzávite.

³² Nich'naj ti Hebere, Jaflet laj yac'be sbi ti june; ti xchibale, Semer; ti yane, Hotam, xchi'uc jun xchi'ilic ta voq'uel jun ants ti Súa sbie.

³³ Xnich'nab ti Jaflete, ja' ti Pasaque, ti Bimhale, xchi'uc ti Asvate.

³⁴ Xnich'nab ti Semer xchi'il ta voq'uel ti Jaflete, ja' ti Rohgae, ti Jehubae, xchi'uc ti Arame.

³⁵ Xnich'nab ti Hotam xchi'il ta voq'uel ti Semere, ja' ti Zofae, ti Imnae, ti Selese, xchi'uc ti Amale.

³⁶ Xnich'nab ti Zofae, ja' ti Suae, ti Harnefere, ti Suale, ti Berie, ti Imrae,

³⁷ ti Besere, ti Hode, ti Samae, ti Silsae, ti Itrane, xchi'uc ti Beerae.

³⁸ Xnich'nab ti Jetere, ja' ti Jefonee, ti Pispae, xchi'uc ti Arae.

³⁹ Xnich'nab ti Ulae, ja' ti Arae, ti Haniele, xchi'uc ti Resiae.

⁴⁰ Scotolic taje, lic talel sts'unubalic ta stojol snitilultac ti Asere. Totiletic yu'unic ti jujuchope, ti stuc no'ox vinajem sc'oplalic tsatsaquil soldadoetic, viniquetic ti ich'bil ye sti'ique, ti loc' ta chapel ta scotolic ti jujuchope, vaquib xcha'vinic ta mil (26,000) ti chapalic ta ac'-letoe.