YESAYA 12 - Susula Malalaok Hehelu Palak Ma Hehelu Beuk

Nakamee makasi

¹ Neukose fain-na losa, emi makamee mae: “Manetualain, au oke makasi neu O, nanahu O kokoe-nanasi au. Makahulun-na O mamanasa au, tehu besak ia, O nasam-ma tenak so.

² Tete'ek-ka, Manetualain ndia, au manasoi-manatefang, au amahele neun. Au ta bii-amata'u fa, nana natetea-nahehele au. Au manasoi-tefang-nga nde Manetualain, au akamee ba'eneun.

³ Sama leo oe makasufuk-ka, ana tao namahoko hataholi manamaa ma'dak-ka, neukose emi mamahoko-setelee leondiak, nanahu Manetualain soi-tefan.”

⁴ Neukose fain-na losa, emi mafa'da mae, “Moke makasi neu Manetualain, ma sene-do'ok neun. Tui-benga Manetualain matua-mademan ma tatao-nono'in neu leoina-la.

⁵ Makamee ba'eneu Manetualain, nana Ana tao manada'di beuk makadotok. Nemen-na fo daebafak-ka lala'en-na, lamanene la'eneu tatao-nono'in.

⁶ Hai, laun Sion-nala lemin! Eeki-matadale leona, makamee no namahokok. Israel Manetualain malalao-malalafun-na, tete'ek-ka mandela-masa'ak, Ana leo nai emi tala'daheom.”