YEREMIA 45 - Susula Malalaok Hehelu Palak Ma Hehelu Beuk

Manetualain hala hehelun neu Barukh

¹ Neu teuk kahaan-na Yosia anan Yoyakim paleta nai Yehuda, boema Barukh sulak hata fo Au afa'dan neu nana. Boema au afa'da neun

² Manetualain fo Israel Manetualain-na hala-kokolan, ma Manetualain nafa'da nae, “Barukh

³ o masasale dale tao leo bee ia, ‘Ah, te'e-te'e au ia ua-naleng ta! Au dudu'a-aafin-na ma kale'o ba'uk-ka nanseli, te Manetualain tama seluk-kana nenik toto'a-tataak bai. Au sota no hoonggu'uk-ka, Au daleng-nga ta tesa-tama fa!’

⁴ Hai Barukh! Boema Manetualain dede'a-kokolan nae leo ia: Te'e-te'e hata fo Au afofo'ak-kala neukose Au tao atu'us, ma hata fo Au sele-tanik-kala neukose Au fe'a henis, nakalenak leomae basa nusak-ka lala'en-na!

⁵ Tao le'e de o hii ka'da lole-napu neulauk? Boso tao leondiak Barukh! Basa hataholi daebafak-ka Au hukus nenik mamate-momopok, tehu la'eneu o soona, fafa'kama neukose o maso'da. O leo-la'ok lo bee mu boeo neukose o so'da-molek mahele. Au, Manetualain nde manakokolak-ka.”