MAZMUR 8 - Susula Malalaok Hehelu Palak Ma Hehelu Beuk

Manetualain matua-mademan ma hataholi daebafak-ka mandela-masa'an

¹ Soaneu mauli-malanga nakameek. Tunga Gitit nakameen-na. Dauk Kokoa-kikiok.

² Ou Amak, fo ami Manetualaim-ma, O koasam-ma nanakoa-nanakiok, nai daebafak-ka lala'en-na! O matua-mademan, dema lena heni lalai

³ de ni'iana manasu'uk-kala, ma ni'iana bongi beuk-kala lakameen. O paletam-ma, matea-mahelek, ma ta nanggengo fo tao makatema musu-a, ma hataholi mana lape'da dalek-ka, bafan-na.

⁴ Metema, au mete lalai fo, O makadada'dik-ka, bulak ma nduuk fo, O pasak-ka soona,

⁵ see hataholi daebafak ndia, de nalosa O makaboboin?

⁶ Tehu O taom-man, hihiinae, sama no Manetualain, O fen pake ti'ilanga manek, nenik matua-madema, ma ha'da-holomata.

⁷ O fen ana koasa, lalai no daebafak-ka, basa O makadada'dik hata lala'en-na, O pe'das leu ei tata'bu daen-na:

⁸ bi'ilopo, sapi ma basa bana-manu, boso bana manai moo maloaina;

⁹ manupui-la ma i'ak-kala, basa mahahaek manai tasi dale-la.

¹⁰ O Manetualain, Ami amang nga, O matua-mademan nananitak nai basa daebafoka ka!