Biblia Todo Logo
Bìoball air-loidhne

- Sanasan -

MAZMUR 6 - Susula Malalaok Hehelu Palak Ma Hehelu Beuk


Huhule-haladoik nai susa dalek

1 Soaneu mauli-malanga nakameek-ka. Nenik nakaminak kecapi. Tunga nakamee ka 8-a. Dauk kokoa-kikion-na.

2 Manetualain, boso fepa-li'u au nai O nasa-melum-ma dalek, boso huku au, nai O nasa-melum-ma dalek.

3 Sue-lai au ou Manetualain, nana basa au be'i-balakaing so, matetea-mahehele au, nana au sota-mangu.

4 Au daleng-nga napangamak nanseli; O la'oela au losa faihi'da, ou Manetualain?

5 Fali ma'im-ma leon Manetualain, fo soi-po'i au, soi-tefa-mala au, nanahu O susue-lalaim.

6 Nana nai bolo mamates-sa dalek, ta lafandele O so'on; ta hapu manakoa-kio O nai hataholi manamatek-ka daebafan-na fa.

7 Au sota-mangu nanahu hoo-nggu'uk-ka; tunga-tunga le'odaen-na, au luu oeng-nga faa nakadoe au pepe'ung-nga.

8 Au matang-nga keluha'bu, nanahu dale he'dik-ka, ma nasalalalok, nanahu au musung-ngala.

9 La'o leona, hai hataholi mangalauk-kala lemin, nana Manetualain namanene basa au kikii-makaleleung so.

10 Manetualain namanene au dokodoeng-nga, de Ana sipok au huhule-haladoing.

11 Neukose basa au musung-ngala nggenge ma ala mae de no dedelek, lakadedeak tu'tik.

Lean sinn:



Sanasan