MAZMUR 23 - Susula Malalaok Hehelu Palak Ma Hehelu Beuk

Au manafoong-nga nde Manetualain

¹ Dauk kokoa-kikion-na. Manetualain sama leo hataholi manafoo esa ba'eneu au au ta to'a-taa fa.

² Ana nangapepe'uk au, nai mook mana'u momo'dok. Ana hela-nole au, leo oe mananee-nee lino-linok-ka neu.

³ Ana fe au be'i-balakai beuk, ma Ana hela-nole au leo eno ndoos-sa neu, nandaa no hala hehelun-na.

⁴ Leomae au la'ok tunga bafak makahatuk dale boe, au tabii soe-a fa, nana O sama-sama mo au O masulu-mahapa au, sama leo hataholi manafoo esa nasulu-nahapa bi'ilopon-na nenik ai tete'ek ma ai kalapu'ak.

⁵ O sadia feta ba'eneu au nai au musu-noong-nga matan, O sipok au da'di leo fui nanafe ha'da-holomata. O sadia fe au nininu mala'da hiik-ka sasi kao-kao.

⁶ Au bubuluk O malole neu au ma sue-lai au tataas esa. Hu ndia de, au bole leo nai O Umam, nai au fai maso'dang-nga dalek.