MAZMUR 15 - Susula Malalaok Hehelu Palak Ma Hehelu Beuk

Hataholi fo nandaa ba'eneu Manetualain

¹ Dauk kokoa-kikiok. Manetualain, see kande bole leo nai O Lalaa temam dale, ma ana leo nai O pupuku malalao-malalafum-ma.

² Hataholi fo, so'dan-na salan ta, ma ana tao tatao-nono'i malole, ma no dale ndoos, nafa'da hata fo tete'ek-ka;

³ hataholi fo, ma ana ta dodoki-aali, nonoo hataholin-na na'den-na fa, ana ta tao mangalauk, soaneu tia-lain fa, ma ana ta kokolak nanggenggeo, uma titia-tatain-na na'den-nala fa;

⁴ fo mana makadadaek hataholi fo, Manetualain ta sipok-kana fa, tehu ana fe ha'da-holomata neu hataholi fo, manatunga Manetualain hihii-nanaun; fo manatao natetu, hala hehelu-balataan, leomae tutu'dak-ka nai ndia boe,

⁵ ma ana fe hataholi nakatotonak doik, ta pake bunak fa; fo ana ta nau sipo doi sosolo dalek, soaneu nakatutu'dak hataholi sala tak-ka. Hataholi fo, manatao leondiak-ka, neukose tetu-temak tataas esa.