MAZMUR 142 - Susula Malalaok Hehelu Palak Ma Hehelu Beuk

Huhule-haladoik fo dokodoe tutulu-fafalik

¹ Dauk nakamee nanolin-na, nai lelek nai leak dale.

² Au aloo bou-bou apane'e neu O Manetualain; au dokodoe neun, nenik au apanne'e au halang-nga.

³ Au hoo-nggu'u nai matan-na; au afa'dan, basa au susang lala'ena.

⁴ Lelek hihii nae ketu au namahehenang-nga, O bubuluk hata fo, au muse taon. No denge-dengek, musu-a lona hihi'ik ba'eneu au, nai enok fo, au muse tungak-ka.

⁵ Lelek au lipa leo boboak u, te au ta ita, manatulu-manafali ba'eneu au fa. Ta hapu manamasulu-mahapa ba'eneu au, do manataoafik neu au aoinang-nga fa.

⁶ Au aloo bou-bou neu O, ou Manetualain, O nde, au mamana nasulu-nahapang, Au paluu ka'da O mesam-ma, nai maso'dang ia dalek.

⁷ Taoafik neu au hala naloloong-nga, nana au doi-doso anseli, Soi-tefa-mala au, neme au musung-ngala mai, nana balakain-nala, lena heni au.

⁸ Soi-po'i au, neme bui dale mai, soona neukose, au koa-kio O na'dem-ma, nai O anam-mala, nakabubuan-na dalek, nana O tao malole neu au so.