MAZMUR 137 - Susula Malalaok Hehelu Palak Ma Hehelu Beuk

Kii-makaleleuk-ka nai lee Babel-lala, su'un-na

¹ Ami mangatuuk nai lee Babel-lala su'un-na, de ami kii, metema ami mafandele Sion.

² Ami lolo'e ami kecapim-mala, neu ai gandarusa manai nusak ndia.

³ Hataholi fo ala tao ami da'di hataholi nanafook-kala, ladenu ami makamee fe sila. Hataholi manatuni-ndeni ami, ladenu ami makamee, nakamee namahoko-seteleek-kala, “makamee fe ami, nakameek-kala neme Sion mai!”

⁴ Tao leo bee fo, ami makamee fe Manetualain nai nusa dea?

⁵ Nemen-na fo, au ta bisa akamee so'on, metema au afandele heni O, Yerusalem!

⁶ Nemen-na fo, au ta bisa akamee so'on, metema au afandele heni Yerusalem, ma au ta tao Yerusalem, da'di au namahokong-nga fa!

⁷ Ou Manetualain, mafandendelek hataholi Edom-mala tatao-nono'in, nai lelek, Yerusalem nanatao namopo-namatek-ka. Lafa'da lae, “Tao matu'un leona, tao matu'un losa uma laten-na!”

⁸ Hai Babel, neukose o nanatao namopo-namatek! Maua-manalek ba'eneu hataholi fo, ana balas o tatao-nono'i mangalaum, fo o taon neu ami-a.

⁹ Maua-manalek ba'eneu hataholi fo, ana ho'i-na o ana bongi beum-mala, de ana tapas leu pupuku batu-a!