MAZMUR 130 - Susula Malalaok Hehelu Palak Ma Hehelu Beuk

Huhule-haladoik nai susa dalek

¹ Nakamee dodonge-dadamak. Ou Manetualain, au aloo bou-bou neu O, neme fakak susa dalek mai.

² Manetualain, mamanene au hala naloloong-nga, ma taoafik neu au dokodoeng-nga.

³ Metema, O mafandele ami sala-singom nakandoo soona, ou Manetualain, see kande, hapu nakatatakak-ka?

⁴ Tehu O nau fe do'o do ampon, fo ela hataholi-a, da'di hataholi kamahehelek.

⁵ Au ahani Manetualain tulu-falin, ma au amahena hehelun-na.

⁶ Au daleng-nga nahiik nanseli, atongo o Manetualain, lena heni, hataholi manamanea nggolok esa, dalen-na nahiik nanseli, natongo no dulufula.

⁷ Mamahena neu Manetualain, hai anan-nala lemin, nana Ana sue-lai nahele, ma naheheleaon tataas esa, soaneu Ana soi-tefa.

⁸ Neukose, Ana soi-po'i ita, neme ita sala-singon lala'ena mai.