MAZMUR 13 - Susula Malalaok Hehelu Palak Ma Hehelu Beuk

Hataholi nanatuni-ndenik-ka huhule-haladoin

¹ Soaneu mauli-malanga makameek-ka. Dauk kokoa-kikion-na.

² Ou Manetualain O masanggango heni au losa faihi'da? O keke meme au mai losa faihi'da?

³ Au muse lu'a-lepa susa losa faihi'da, ma au daleng-nga he'dis-sa, nai lele'do katemak esa dalen-na? Musu-a koasa au losa faihi'da?

⁴ Mete au, ou au Amang Manetualaing-nga, mataa au huhule-haladoing leona. Matetea-mahehele au be'i-balakaing, ma boso po'ilotak au mate.

⁵ Boso po'ilotak au musung-nga, nafa'da nae sila sengi au so. Boso po'ilotak ala eeki-latadale au.

⁶ Nana au amahele neu O susue-lalaim, de neukose, au amahoko nanahu O soi-tefa-ma au. Au nau akamee ba'eneu Manetualain, nana Ana tao malole neu au so!