MAZMUR 128 - Susula Malalaok Hehelu Palak Ma Hehelu Beuk

Ba'e-pala ba'eneu uma lo

¹ Nakamee dodonge-dadamak. Maua-manalek ba'eneu hataholi kamahehelek-ka, ma hataholi fo, naso'da tunga Manetualain paletan-na.

² Neukose, o mu'a neme o ue-le'dim buna-boan mai, ma o so'dam-ma tetu-temak ma so'da-molek.

³ O saoinam-ma, sama leo ai angol-la fo nalole nai umam dale O anam-mala sama leo, ai setun-na nupun-nala nai o meim-ma, boboa-kaisun.

⁴ Manetualain fe hataholi kamahehelek-ka baba'e-papalak, leondiak.

⁵ Ela leo bee-na, Manetualain fe o baba'e-papalak neme Sion mai. Ela leo bee-na, o mita Yerusalem lole-napun, nai o fai maso'dam-ma dalek!

⁶ Ela leo bee-na, o teum-ma namanalu, fo o mita o upu-anam! Ela leo bee-na, Manetualain anan-nala so'da-molek!