MAZMUR 126 - Susula Malalaok Hehelu Palak Ma Hehelu Beuk

Huhule-haladoik fo dokodoe soi-po'ik

¹ Nakamee dodonge-dadamak. Lelek Manetualain tao nabebeu Yerusalem boema, ita sama leo talame'i!

² Ita hika takandoo, ma takamee no namahoko-seteleek, nalosa leoina fe'ek-kala lafa'da lae, “Manetualain tao basa, dede'a matuaina-la, ba'eneus so!”

³ Memak, Manetualain tao basa, dede'a matuaina-la ba'eneu ita so! Hu ndia de, ita tamahoko!

⁴ Ou Manetualain, tao mabebeu ami so'dam fo, sama leo lee ma'dak-ka, tehu naoe seluk nai fai oefaan-na.

⁵ Ela leo bee-na, hataholi manasele-nggali no kikiik-ka, ana ketu-kolu no eeki-natadalek.

⁶ Hataholi neu sele-nggali, bini-ngges nai tinan-na no luuoen-na titi boto-boto soona. Neukose losa fain-na te, ana fali no neni tinan-na buna-boan no nakameek ma namahoko-seteleek.