MAZMUR 124 - Susula Malalaok Hehelu Palak Ma Hehelu Beuk

Manetualain manamasulu-mahapa ba'eneu anan-nala

¹ Dauk nakamee dodonge-dadaman. Tao leo beek fo, leouni'ka Manetualain ta nok ita fa? Hai Israel, mataa mae leo ia:

² “Leouni'ka, nai lelek musu nok-ka sapu-na ita, fo Manetualain ta nok ita fa,

³ soona hataholi fo, nasan-nala lua ponu-ponu-a, ala ko'do katemak ita so.

⁴ Boema faa ba'u neni ita, ma oe-a lifu-na ita so;

⁵ boema ita bolo, de mate ita nai oe mapo'dek dale.”

⁶ Mai fo, ata toke makasi neu Manetualain, nana Ana ta po'ilotak ita musu non-na, tao namopo-namate ita fa.

⁷ Ita sama leo manupui fo po'i henin neme hataholi manamakahihi'ik-ka, hihi'in-na mai, ketu heni hihi'ik ndia so, de po'i heni ita!

⁸ Ita tutulu-fafalin, ana mai neme Manetualain fo, manamakadada'dik lalai no daebafak-ka.