MAZMUR 121 - Susula Malalaok Hehelu Palak Ma Hehelu Beuk

Ita masulu-mahapan nde Manetualain

¹ Nakamee dodonge-dadamak. Au akanae leo letek-kala neu, boema au atane ae, au manatulu-manafaling, ana mai neme bee mai?

² Au manatulu-manafaling, ana mai neme Manetualain fo manamakadada'dik lalai-a no daebafak-ka.

³ Neukose, Ana ta po'ilotak au tu'u u fa, nana, au manamasulu-mahapang, nanea au tataas esa.

⁴ Tete'ek-ka, manamasulu-mahapa Israel ndia, Ana ta teekauk nita, do Ana sungu fa.

⁵ Neukose Manetualain nanea o, de nai o boboam-ma, fo nasulu-nahapa o.

⁶ Neukose, o ta mamahe'di-mapalau, hu kande le'do mahaak-ka nai fai lele'don-na, do bulak-ka sa'an-na, nai fai le'odaen-na.

⁷ Neukose, Manetualain nasulu-nahapa o, neme susa-soe-a mai, Ana nanea o, fo ela o maso'da.

⁸ Ana nanea o, nai lelek o mai, ma o la'o, neme besak ia, losa dodoon-na.