Biblia Todo Logo
Bìoball air-loidhne

- Sanasan -

MAZMUR 114 - Susula Malalaok Hehelu Palak Ma Hehelu Beuk


Nakamee Paskah

1 Lelek leoina Israel-la kalua leme Masir mai, ma lelek Yakob tititi-nonosin la'oela nusa dea,

2 Manetualain tao Yehuda da'di mamana malalao-malalafun, ma Israel da'di Ndia nusa paletan.

3 Tasi Gelagah nitan boema nalai, ma Lee Yarden-na, ta faa so'on.

4 Letek-kala lakaboboku, sama leo bi'ihiik-ka, pupukuk-kala lakabibiti sama leo bi'ilopo ana.

5 Hai tasi, hu beek de, nalosa o malai, ma Lee Yarden-na ta faa so'on?

6 Hai letek-kala lemin, hu beek de, emi makabobo'ku, ma hai pupukuk-kala lemin, hu beek de, emi makabibiti?

7 Hai daebafak, dele ngge'be-ngge'be nai Manetualain matan, ma nai Yakob Manetualain matan,

8 fo manatao nasafali batu piak-ka, da'di lifu, ma lete batu, da'di oemata.

Lean sinn:



Sanasan