MAZMUR 113 - Susula Malalaok Hehelu Palak Ma Hehelu Beuk

Kokoa-kikiok ba'eneu Manetualain dale malolen-na

¹ Koa-kio Manetualain leona! Hai Manetualain atan-nala lemin, koa-kio Manetualain na'den-na!

² Neukose na'den-na nanakoa-nanakiok, neme besak ia, ma neme tepo-lelek leo tepo-lelek neu.

³ Manetualain na'den-na, muse nanakoa-nanakiok neme dulu losa muli.

⁴ Manetualain koasa basa, leoina lala'ena, matua-mademan dema seli lalai.

⁵ See sama leo, ita Aman Manetualain? Ana nangatuuk nai kandela manen lain, nai mamana mademaina.

⁶ Tehu nakatele, fo Ana mete lalai no daebafak-ka.

⁷ Ana so'u-na hataholi nuu ta-hata tak-ka neme daesopuk dale mai, ma hataholi maleu-malaak-ka neme afu dale mai.

⁸ Ana fes langatuuk sama-sama loo basa hataholi manakoasa-la, sama-sama loo bas manefetoana-la, leme anan-nala mai.

⁹ Ana ba'e-bati fe saoinak ana tak-kala, anak, Ana taon da'di ina fo, maua-manale malole, ma nanafe ha'da-holomata nai uman dale. Koa-kio Manetualain leona!