MAZMUR 112 - Susula Malalaok Hehelu Palak Ma Hehelu Beuk

Hataholi malole-a ua-nale malolen-na

¹ Koa-kio Manetualain leona! Maua-manalek ba'eneu hataholi kamahehelek fo nahii Manetualain paletan-nala.

² Neukose, anan-nala lanuu koasa nusak ia, neukose hataholi malole-a tititi-nonosin, nanaba'e-palak.

³ Teidalen-nala, neukose lamasu'i ma tetu-temak, ma neukose so'dan-na so'da-molek losa dodoon-na.

⁴ Mangale'dok-ka, nasalaa nai makahatuk dale, ba'eneu hataholi manatao tunga ndoon-na, ba'eneu hataholi fo ndoos ma matetuk, manasue ma manalai.

⁵ Maua-manalek ba'eneu hataholi fo, ta malitua fa, ma ana hii fe hataholi tona, boema ana tao tunga ndoon-na, nai basa ito-atok lala'ena dalek.

⁶ Hataholi malole-a, hapu buna-boak tataas esa, nai ue-osan-na dalek; neukose ta lafandele heni fan, losa dodoon-na.

⁷ Ana ta bii, sipo halak ta malole fa, dalen-na natea-nahele, nanahu namahele neu Manetualain.

⁸ Dalen-na natea, ma ana ta bii fa, nana namahele, neukose ana sengi musun-na.

⁹ Ana baba'e hata-heton, fo ana fe hataholi nuu ta-hata tak-ka; ana tao hata malole tataas esa, hu ndia de, ana koasa ma nanafe ha'da-holomata.

¹⁰ Hataholi mangalauk-kala litan boema, lamanasa; ala hengu nisin-nala, nanahu ta lahiik lo fan. Boema mopo-mates; mopo sila namahehenan-na losa dodoon-na.