KEJADIAN 36 - Susula Malalaok Hehelu Palak Ma Hehelu Beuk

Esau tititi-nonosin

¹ Esau fo loken lae Edom boe, tititi-nonosin nde ia.

² Esau ka'bing no ina Kana'an 3, fo nde: Ada, fo Elon hataholi Het ndia, anafe'on-na, Oholibama, fo Ana anafe'on-na, ma Zibeon upun-na hataholi Lewi sila;

³ Basmat, fo Ismael anafe'on-na, ma Nebayot fa'din-na.

⁴ Ada bongi-na, Elifas, Basmat bongi-na, Rehuel,

⁵ ma Oholibama bongi-na Yeus, Yaelam ma Korah. Basa ni'iana sila-la, bongis leme nusa Kanaan-na.

⁶ Basa boema, Esau la'oela Yakob, de neu leo nusa fe'ek neu, no basa sao anan-nala, ma basa hataholi manai uma dale lala'en-na, ma basa bana-manun, ma basa hata-heton lala'en fo, ana hapus leme Kanaan-na.

⁷ Esau nasi'da-naba'e no Yakob, hu kande hata-heton makadotok nanseli, nalosa ala ta bisa leo lakabubua fa. Nakalenak bai, nai nusak fo, ala leon ndia, nana'ak-ka ta dai sila bana-manu makadoton sila-la fa.

⁸ Boema Esau fo ala foin na'de Edom ndia boe, ana leo nahele neme nusak manai letelepak Seir-ra.

⁹ Esau, fo hataholi Edom-mala bei-bai kain ndia, tititi-nonosin nde ia.

^10-13 Esau saon fo mana'de Ada, ana bongi-na ana touk esa na'de Elifas. Ma Elifas anatoun lima, fo nde Teman, Omar, Zefo, Gaetam ma Kenas. Elifas masao makahatuk, fo na'de Timna. Ana bongi-na, anatouk esa na'de Amalek. Esau saon fo mana'de Basmat-ta, ana bongi-na anatouk esa na'de Rehuel. Ma Rehuel anatoun haa, fo nde Nahat, Zerah, Syama ma Miza.

¹⁴ Esau saon fo mana'de Oholibama, fo Ana anan-na, ma Zibeon upun-na, ana bongi-na anatouk telu, fo nde Yeus, Yaelam ma Korah.

¹⁵ Esau tititi-nonosin, mane leon-nala nde ia: Esau ana ulun Elifas, nde been-na, leo-leo manamaik ia-la bei-ba'i kain: Teman, Omar, Zefo, Kenas,

¹⁶ Korah, Gaetam ma Amalek. Sila basa-basas, Esau saoinan Ada, tititi-nonosin sila.

¹⁷ Esau ana manen Rehuel nde been-na, leo-leo manamaik ia-la bei-ba'i kain: Nahat, Zerah, Syama ma Miza. Sila basa-basas, Esau saoinan Basmat, tititi-nonosin sila.

¹⁸ Leo-leo manamaik ia-la nde been-na, Esau saoinan mana'de Oholibama, fo Ana anan-na, tititi-nonosin-nala, fo nde: Yeus, Yaelam ma Korah.

¹⁹ Esau tititi-nonosin basa leo sila-la.

Seir tititi-nonosin

^20-21 Dae Edom-ma nusa isin-nala, nanaba'ek neu Seir, fo hataholi Hori ndia, tititi-nonosin, leon-nala. Leo-leo sila-la nde ia: Lotan, Syobal, Zibeon, Ana, Disyon, Ezer ma Disyan.

²² Lotan nde been-na, Hori ma Heman bei-ba'i kain nde ndia. (Lotan feton esa, fo nde Timna.)

²³ Syobal nde been-na, leo Alwan, Manahat, Ebal, Syefo ma Onam bei-ba'i kain nde ndia.

²⁴ Zibeon anatoun dua, fo nde Aya ma Ana; (Ana ia, nde hapu oemata mato'bik-kala, nai moo solokaek-ka, nai lelek ana foo aman keledein-na).

^25-26 Ana nde been-na, Disyon aman, fo leo Hemdan, Asyban, Yitran ma Keran bei-ba'i kain nde ndia. Boeo Ana inaanan esa, na'de Oholibama.

²⁷ Leo Bilham, Zaawan ma Akan bei-ba'i kain nde Ezer.

²⁸ Leo Us ma Aran, bei-ba'i kain nde Disyan.

^29-30 Leo-leo Horin, fo manaleo manai nusa Edom-ma, nde: Lotan, Syobal, Zibeon, Ana, Disyon, Ezer ma Disyan.

Edom manen-nala

^31-39 Lelek beita hapu manek paleta nai Israel fa, mane-manek ia-la, paleta nai dae Edom-ma, iko-iko; manek sila-la nde ia, Bela, fo Beor neme Dinhaba mai, anan-na. Yobab, fo Zera neme Bozra mai, anan-na. Husyam neme dae Téman-na mai. Hadad, fo Bedad neme Awit mai, anan-na (fo ndia nde sengi hataholi Midian-nala nai natee-natatik-ka dalek, neme dae Moab-pa). Samla neme Masreka mai. Saul neme Rehobot mai, fo nai lee su'un-na. Baal Haman, fo Akhbor anan-na. Hadar neme Pahu mai (saoinan-na na'de Mehetabeel, fo Matred anan-na, ma Mezahab upun-na).

^40-43 Esau nde been-na, Edom leon-nala nde ia, bei-bai kain. Leo sila-la nde: Timna, Alwa, Yetet, Oholibama, Ela, Pinon, Kenas, Téman, Mibzar, Magdiel ma Iram. Leo-la esa-esak foi mamana leleon-na sama no leon-na na'den-na.