EZRA 2 - Susula Malalaok Hehelu Palak Ma Hehelu Beuk

Hataholi nanafook fo manafali leme mamana tu'u-tapak-ka mai-a, susulan-na

¹ Hataholi nanafook-kala ba'uk-ka la'oela nusa Babel-la, de ala fali ma'is leo Yerusalem ma Yehuda mai, de esa-esak fali ne'un leo ndia kotan-na neu. Ala leo nai mamana tu'u-tapak nai Babel, ndek lelek Mane Nebukadnezar-ra, foo nenis leo naa leu.

² Sila mauli-malangan-nala nde Zerubabel, Yesua, Nehemia, Seraya, Reelaya, Mordekhai, Bilsan, Mispar, Bigwai, Rehum ma Baana. Teidale-bobongi Israel-la susulan-na nde ia, no leo-la esa-esak hataholin, fo manafali ma'is leme mamana tu'u-tapak mai, dede'un-na nde ia:

^3-20 Teidale-bobongik Paros-sa hataholin – 2.172 Sefaca – 372 Arah – 775 Pahat-Moab (fo Yesua ma Yoab tititi-nonosin) – 2.812 Elam – 1.254 Zatu – 945 Zakai – 760 Bani – 642 Bebai – 623 Azgad – 1.222 Adonikam – 666 Bigwai – 2.056 Adin – 454 Ater (fo loken lae Hizkia boe) – 98 Bezai – 323 Yora – 112 Hasum – 223 Gibar – 95

^21-35 Hataholi fo bei-ba'i kain-nala leo nai kota-kota fo nanasulak nde dae ia, boeo ala fali ma'is leme mamana tu'u-tapak mai: Kota Betlehem – 123 Netofa – 56 Anatot – 128 Asmawet – 42 Kiryat-Arim, Kefira ma Beerot – 743 Rama ma Gaba – 621 Mikhmas – 122 Betel ma Ai – 223 Nebo – 52 Magbis – 156 Elam fe'ek esa – 1.254 Harim – 320 Lot, Hadid, ma Ono – 725 Yerikho – 345 Senaa – 3.630

^36-39 Basa imam fo manafali ma'is leme mamana tu'u-tapak mai-a, teidale-bobongin-nala nde ia: Yedaya (fo Yesua tititi-nonosin) – 973 Imer – 1.052 Pasyhur – 1.247 Harim – 1.017

^40-42 Lewi teidale-bobongin fo manafali ma'is leme mamana tu'u-tapak mai-a nde ia: Yesua ma Kadmiel (fo Hodawya tititi-nonosin) – 74 Manamakameek manai Manetualain Uman (fo Asaf tititi-nonosin) – 128 Manamanea lelesuina manai Manetualain Uman-na (fo Salum, Ater, Talmon, Akub, Hatita, ma Sobai tititi-nonosin) – 139

^43-54 Basa hataholi manatao Manetualain Uman-na, teidale-bobongin fo manafali ma'is leme mamana tu'u-tapak mai-a, susulan-na nde ia: Ziha, Hasufa, Tabaot, Keros, Siaha, Padon, Lebana, Hagaba, Akub Hagah, Samlai, Hanan, Gidel, Gahar, Reaya, Rezin, Nekoda, Gazam Uza, Paseah, Besai, Asna, Meunim, Nefusim, Bakbuk, Hakufa, Harhur, Bazlut, Mehida, Harsa, Barkos, Sisera, Temah, Neziah, ma Hatifa.

^55-57 Basa Salomo hataholi malalau-maoonon, fo manafali ma'is leme mamana tu'u-tapak mai-a nde ia: Sotai, Soferet, Peruda, Yaala, Darkon, Gidel, Sefaca, Hatil, Pokheret-Hazebaim ma Ami.

⁵⁸ Basa hataholi manatao Manetualain Uman-na, ma basa Salomo malalau-maoonon-nala teidale-bobongin fo manafali ma'is leme mamana tu'u-tapak mai-a, dede'un-na, hataholi natun telu siohulu dua.

^59-60 Hataholi manala'o leme kota-kota Tel-Melah, Tel-Harsa, Kerub, Adan ma Imer mai, dede'un-na, hataholi natun nee limahulu dua. Hataholi sila-la, nanalekek nai teidale-bobongi Delaya, Tobia ma Nekoda dalek, tehu ala ta hapu latu'du buti, lae sila nde been-na leoina Israel-la, tititi-nonosin sila fa.

^61-62 Imam-ma, teidale-bobongin de'ubee boeo, ta hapu susulak fo nanasulak la'eneu sila bei-ba'i kain-nala, fo nde teidale-bobongik Habaya, Hakos ma Barzilai. (Teidale-bobongik Barzilai-a, bei-ba'i kain-na, sao inak esa neme teidale-bobongi Barzilai, fo nai Gilead tititi-nonosin-na, de basa boema, ana pake aliaman-na teidale-bobongin na'den-na.) Nanahu ala ta hapu fe buti, lae sila bei-ba'i kain nde see fa, boema ala ta sipok-kasa da'di imam fa.

⁶³ Boema, nusa Yehuda filana-la, ana kena-ka'is, fo boso la'a nana'ak fo ala fen neu Manetualain, losa hapu imam esa noke natutu'duk nenik, ana pake Urim ma Tumim.

^64-67 Hataholi nanafook fo manafali ma'is leo nusan-na mai-a, basa-basas lala'en-na dede'un-na hataholi lifun haahulu dua natun telu neehulu. Fe'ek neme ndia mai, sila hataholi manatulu-falis-sala boeo, ala fali de dede'un-na, hataholi lifun hitu natun telu teluhulu hitu, ma manamakameek-kala, dede'un-na hataholi natun dua. Sila boeo leni sila bana-manun, fo nde: Ndala – 736 Bagal – 245 Onta – 435 Keledei – 6.720

⁶⁸ Lelek hataholi nanafook-kala losa Manetualain Uman manai Yerusalem-ma boema, mane leo de'ubee, no sila dale hihii-nanau mesan-na, ala fe tunu-hotuk soaneu lafofo'a falik Manetualain Uman-na.

⁶⁹ Ala fe tutulu-fafalik, tunga sila esa-esak hahapun, de lakabubua-la lilopilas kilo natun lima, lilofulak kilo lifun dua natun falu, ma ba'du manalu natun esa, soaneu imam-mala.

⁷⁰ Basa imam-mala, hataholi Lewi-la ma laun-na seli, ala leo lahele leme Yerusalem ma nai kota-kota manadekak-kala. Basa manamakameek-kala, basa manamanea Manetualain Uman-na lelesuinan-na, ma basa manatao Manetualain Uman-na, boema hataholi Israel nggelok, ala leo lahele leme kota-kota fo makahulun-na, sila bei-ba'i kain-nala mamana leleon-na.