BILANGAN 2 - Susula Malalaok Hehelu Palak Ma Hehelu Beuk

Leo-la esa-esak mamanan-na nai ofu dale

¹ Manetualain nafa'da Musa no Harun nae,

² “Nai lelek hataholi Israel-la lapadedeik lalaa ofu-la soona, hataholi-la esa-esak muse ofu nai sila dedeon-na boboa-kaisun, no sila leo-ingu-na ta'du-tana mesan-na. Muse lapadedeik lalaa oofuk sila lala'en-na, okofeo-la Au Lalaa Temang-nga, tehu dodoo ana faa neme Lalaa Temak ndia mai.

^3-9 Manai boboak dulu nde solda'du manasulu nai Yehuda solda'dun-nala dedeon-na dae, ma muse ala ofu tunga sila esa-esak solda'dun no mauli-malangan sama leo nanasulak nde ia: Leo Mauli-malangan Hataholi dede'un-na Yehuda Nahason, fo Aminadab anan-na 74.600 Isakhar Netaneel, fo Zuar anan-na 54.400 Zebulon Eliab, fo Helon anan-na 57.400 Basa-basan lala'en-na, hataholi: 186.400 Solda'du Yehuda-la muse la'ok nai uluk nanseli.

Leo Mauli-malangan Hataholi dede'un-na

^10-16 Manai boboak kona nde solda'du manasulu nai Ruben solda'dun-nala dedeon-na dae, ma muse ala ofu tunga sila esa-esak solda'dun no mauli-malangan sama leo nanasulak nde ia: Leo Mauli-malangan Hataholi dede'un-na Ruben Elizur, fo Syedeur anan-na 46.500 Simeon Selumiel, fo Zurisyadai anan-na 59.300 Gad Elyasaf, fo Rehuel anan-na 45.650 Basa-basan lala'en-na, hataholi: 151.450 Ruben solda'dun-nala muse tunga Yehuda solda'dun-nala.

Leo Mauli-malangan Hataholi dede'un-na

¹⁷ Basa ndia soona, leo Lewi-la ndolo Manetualain Lalaa Teman-na, fo ala la'ok nai solda'du Israel-la tala'da heon. Sama leo nai mamana ofu-a, leondiak boe ala la'ok, esa-esak nai mamanan-na tunga sila dedeon-nala.

^18-24 Manai boboak muli, nde solda'du manasulu nai Efraim solda'dun-nala dedeon-na dae, ma muse ala ofu tunga sila esa-esak solda'dun no mauli-malangan sama leo nanasulak nde ia: Leo Mauli-malangan Hataholi-a dede'un-na Efraim Elisama, fo Amihud anan-na 40.500 Manasye Gamaliel, fo Pedazur anan-na 32.200 Benyamin Abidan, fo Gideoni anan-na 35.400 Basa-basan lala'en-na, hataholi 108.100 Efraim solda'dun-nala, muse la'ok nai leo Lewi-a dean-na.

Leo Mauli-malangan Hataholi-a dede'un-na

^25-31 Manai boboak kii, nde solda'du manasulu nai Dan solda'dun-nala, dedeon-na dae, ma muse ala ofu tunga sila esa-esak solda'dun no mauli-malangan sama leo nanasulak nde ia, Hataholi-a dede'un-na: Leo Mauli-malangan Hataholi-a dede'un-na Dan Ahiezer, fo Amisyadai anan-na 62.700 Asyer Pagiel, fo Okhran anan-na 41.500 Naftali Ahira, fo Enan anan-na 53.400 Basa-basan lala'en-na, hataholi: 157.600 Dan solda'dun-nala la'ok nai bui mate'en-na.

Leo Mauli-malangan Hataholi-a dede'un-na

³² Hataholi Israel-la dede'un fo nanasulak tunga sila esa-esak solda'dun-nala nde been-na, hataholi 603.550.

³³ Sama leo Manetualain paletan neu Musa, de hataholi Lewi-la ta nanasulak sama-sama loo hataholi Israel fe'e-fe'ek-kala fa.

³⁴ Hataholi Israel-la tao basa hata lala'en fo Manetualain paletan neu Musa. Esa-esak ofu okofeo-na sila dedeon-na, ma ala la'ok tunga esa-esak leo-ingu ma teidale-bobongin.