1 TAWARIKH 9 - Susula Malalaok Hehelu Palak Ma Hehelu Beuk

Hataholi manafali ma'is leme mamana ookak-ka mai

¹ Basa hataholi Israel-la lala'en-na nanasulak tunga esa-esak teidalen. Susulak ndia nanasulak nai Mane-manek Israel-la susulan dale. Da'di leo huhukuk neu sila sala-singon-nala, de laun Yehuda-la nanafook leo mamana ookak-ka neu.

² Neme sila fo manafali ma'is makasososak leo sila dae-oen fo manai kota-kota nde been-na, nde hataholi biasa-la, imam-imam-mala, hataholi Lewi-la ma tuka-tuka manatao Manetualain Uman-na.

³ Leo Yehuda, Benyamin, Efraim ma Manasye seli, ala fali ma'is, de ala leo nai Yerusalem.

^4-6 Leo Yehuda manaleo nai Yerusalem-ma, uma loo 690, fo nai dalek hapu Yehuda anan fo mana'de Peres, Syela ma Zerah, tititi-nonosin-nala boe. Utai nauli-nalanga Peres tititi-nonosin. Utai tititi-nonosin tutuin-na neme dae leo lain neu, nde Utai, Amihud, Omri, Imri ma Bani. Asaya nauli-nalanga Syela tititi-nonosin. Ndia nde malanga uma loo. Yeuel nauli-nalanga Zerah tititi-nonosin.

^7-9 Leo Benyamin-na hataholin manaleo nai Yerusalem-ma, uma loo 956. Sila malanga uma loon-na nde: Salu, fo Mesulam anan-na, ma Hodawya upun-na, boema Hasenua nelun-na. Yibnia fo Yeroham anan-na Ela, fo Uzi anan-na, ma Mikhri upun-na. Mesulam, fo Sefaca anan-na, ma Rehuel upun-na, boema Yibnia nelun-na.

Imam-imam fo manaleo nai Yerusalem-ma

^10-12 Imam-imama fo manaleo nai Yerusalem-ma, nde ia: Yedaya, Yoyarib ma Yakhin Azarya, fo Hilkia anan-na, fo bei-ba'i kain-nala nde Mesulam, Zadok, Merayot ma Ahitub. (Azarya nde been-na hataholi mana'a ngga'di-la malangan-na nai Manetualain Uman.) Adaya fo Yeroham anan-na; bei-ba'i kain-nala nde Pasyhur ma Malkia. Masai, fo Adiel anan-na; bei-ba'i kain-nala nde Yahzera, Mesulam, Mesilemit, Imer.

¹³ Basa imam manada'di malanga uma loo-a, basa-basan hataholi 1.760. Hataholi sila tao lalelak basa tatao-nono'i mata-matak lala'en-na nai Manetualain Uman.

Hataholi Lewi manaleo nai Yerusalem-ma

^14-16 Hataholi Lewi manaleo nai Yerusalem-ma nde ia: Semaya, fo Hasub anan-na; bei-ba'i kain-nala nde Azrikam ma Hasabya fo neme leo-ingu Merari-a mai Bakbakar, Heres ma Galal Matanya, fo Mikha anan-na; bei-ba'i kain-nala nde Zikhri ma Asaf Obaja, fo Semaya anan-na; bei-ba'i kain-nala nde Galal ma Yedutun Berekhya, fo Asa anan-na, ma Elkana upun-na, ana leo nai kota Netofa.

Basa manamanea Manetualain Uman fo manaleo nai Yerusalem-ma

¹⁷ Manamanea Manetualain Uman fo manaleo nai Yerusalem sama-sama loo sila teidalen-nala nde: Akub, Talmon, Ahiman ma Salum fo malanga manamanea.

¹⁸ Losa faik ia, hataholi maneme sila leo-ingu-na mai, ala hapu bela-ba'uk lanea Lelesuina Manek-ka, nai boboak dulu. Makahulun-na hataholi maneme sila leo-ingu-na mai, ala hapu bela-ba'uk lanea lelesuina manaleo hataholi Lewi-la lalaa teman-na neu.

¹⁹ Fo manahapu bela-ba'uk nanea lelesu masok leo Manetualain Lalaa Teman-na neu-a, nde Salum sama-sama no hataholi fo sila bei leo-ingu esa, fo nde leo-ingu Korah. (Salum nde been-na Kore anan, ma Ebyasaf upun-na.) Makahulun-na, sila bei-ba'i kain-nala boeo hapu bela-ba'uk ndia nai lelek lalalau-laoono nai Manetualain Lalaa Teman-na.

²⁰ Pinehas, fo Eleazar anan-na – sa'di leo been-na Manetualain nasulu-nahapan! – nauli-nalanga hai sila so.

²¹ Zakharia, fo Meselemya anan-na boeo, manamanea Manetualain Lalaa Teman-na lelesun-na.

²² Basa hataholi nanahelek soaneu lanea lelesuina-la, hataholi 212. Hataholi sila nanasulak tunga sila nggolo leleon-nala. Manek Dauk-ka ma Nabi Semuel-la, fe sila bei-ba'i kain-nala nangatutuuk ndia.

²³ Mulai neme ndia mai boema, sila ma sila tititi-nonosin-nala da'di manamanea lahele nai Manetualain Uman-na lelesuinan-na.

²⁴ Hapu lelesu 4; esa nai kii, esa nai kona, esa nai dulu ma esa nai muli. Nai lelesu sila-la esa-esak, hapu hataholi Lewi esa da'di malanga manamanea.

²⁵ Sila tolanoo ka'a-fa'din manaleo nai nggolo-nggolok-kala, ala tulu-falis langganggatiaok – la'i esa nai mamasok esa dalen-na.

²⁶ Tehu malanga manamanea ka 4-k sila-la, lanea lahele. Ala lanea kama-kama manai Manetualain Uman, ma bua-lo'as nanape'dak manai ndia.

²⁷ Ala leo deka loo Manetualain Uman-na, nana ala muse lanea uma ndia, ma tunga-tunga fafain-na, ala soi lelesuinan-nala.

Hataholi Lewi fe'ek-kala

²⁸ Hataholi Lewi fe'ek nggelok lanea bua-lo'as soaneu makaluku-makatele. Sila nde leke bua-lo'as sila-la, nai lelek bua-lo'as sila kalua ma nai lelek fe falik-kasa.

²⁹ Nggelok seluk, lanea makaluku-makatele pinga-mangon, ma lanea ha'desopuk, angol, mina setun, boomenik, boema bumbu-bumbu.

³⁰ Tehu manasese'dok bumbu-bumbu sila-la nde been-na imam-mala.

³¹ Fo manamanea tunu-hotu nanadalak-ka nde been-na hataholi Lewi esa na'de Matica, fo Salum neme leo-ingu Korah, ana ulun-na.

³² Hataholi maneme leo-ingu Kehat-ta, nde sadia loti nana'ak ba'eneu Manetualain tunga-tunga fai Sabat-ta.

³³ Hataholi Lewi nggelok hapu bela-ba'uk da'di manamakameek nai Manetualain Uman. Sila malanga uma loon-nala leo nai uma de'ubee nai Manetualain Uman. Sila ta hapu bela-ba'uk fe'ek fa, nanahu sila lanea lele'dok ma le'odaek.

³⁴ Hataholi nanaseseik sila-la nde been-na Lewi malanga uma loon-nala, tunga sila tititi-nonosin tutuin-na. Sila nde been-na, mauli-malangan fo ala leo nai Yerusalem.

Manek Saul-la bei-ba'i kain ma tititi-nonosin

³⁵ Yeiel napadedeik kota Gibeon-na, boema ana leo neme ndia. Saon-na na'de Maakha,

³⁶ ma anatoun ulun-na na'de Abdon; nggelok na'de Zur, Kish, Baal, Ner, Nadab,

³⁷ Gedor, Ahyo, Zakharia ma Miklot,

³⁸ fo Simea aman. Sila tititi-nonosin leo nai Yerusalem sama-sama loo teidale fe'en-nala, fo sila bei leo-ingu esa.

³⁹ Saul aman na'de Kish, ma ba'in na'de Ner. Saul anatoun 4, fo nde: Yonatan, Malkisua, Abinadab ma Esybaal

⁴⁰ Yonatan maanatouk, na'de Meribaal, fo Mikha aman.

⁴¹ Mikha anatoun 4, fo nde: Piton, Melekh, Tahrea ma Ahas.

⁴² Ahas anan-na na'de Yoada, fo Yoada ia anatoun 3, fo nde: Alemet, Azmawet ma Zimri. Zimri tititi-nonosin tutuin-na nde Moza,

⁴³ Bina, Rafa, Elasa ma Azel.

⁴⁴ Azel anatoun 6, fo nde: Azrikam, Bokhru, Ismael, Searya, Obaja ma Hanan.