1 TAWARIKH 8 - Susula Malalaok Hehelu Palak Ma Hehelu Beuk

Benyamin tititi-nonosin

¹ Benyamin anatoun 5. Lekes tunga fai bobongin-nala nde ia: Bela, Asybel, Ahrah,

² Noha ma Rafa.

³ Bela tititi-nonosin nde Adar, Gera, Abihud,

⁴ Abisua, Naaman, Ahoah,

⁵ Gera, Sefufan ma Huram.

^6-7 Ehud tititi-nonosin nde Naaman, Ahia ma Gera. Sila nde been-na, malanga uma loo, fo makahulun-na ala leo leme Geba. Tehu sila nanausi henis neme ndia mai, boema no Gera hehele-nonolen de, ala lali leo Manahat leu, de ala leo leme ndia. Gera anatoun 2, fo nde: Uza ma Ahihud.

^8-9 Saharaim ela heni saon ka 2-nala, fo nde Husim ma Baara. Basa boema, nai lelek ala leo leme nusa Moab-pa, ana saon-na Hodes, de ana bongi anatouk 7, fo nde: Yobab, Zibya, Mesa, Malkam,

¹⁰ Yeus, Sokhya ma Mirma. Basa-basas malangan uma loo.

¹¹ No saon mana'de Husim ia boeo, ana bongi-na anatouk 2, fo nde: Abitub ma Elpaal.

¹² Epaal anatoun 3, fo nde: Eber, Misam, Semed. Semed ia nde napadedeik kota Ono, ma Lod, boema nggolo-nggolok manai boboa-kaisun-nala.

Benyamin hataholin-nala lai Gad ma Ayalon

¹³ Beria ma Sema nde been-na, malangan uma loo, fo ala leo nai kota Ayalon, de ala usi heni kota Gat-ta laun-nala.

^14-16 Beria tititi-nonosin nde Ahyo, Sasak, Yeremot, Zebaja, Arad, Eder, Mikhael, Yispa ma Yoha.

Benyamin hataholin-nala lai Yerusalem

¹⁷ Elpaal tititi-nonosin nde Zebaja, Mesulam, Hizki, Heber,

¹⁸ Yismerai, Yizlia ma Yoab.

¹⁹ Simei tititi-nonosin nde Yakim, Zikhri, Zabdi,

²⁰ Elyoenai, Ziletai, Eliel,

²¹ Adaya, Beraya ma Simrat.

²² Sasak tititi-nonosin nde Yispan, Eber, Eliel,

²³ Abdon, Zikhri, Hanan,

²⁴ Hananya, Elam, Antotia,

²⁵ Yifdeya ma Pnuel.

²⁶ Yeroham tititi-nonosin nde Samserai, Seharya, Atalya,

²⁷ Yaaresya, Elia ma Zikhri.

²⁸ Malanga uma loo ma mauli-malangan fo nanasulak nai sila susula bei-ba'in dale, nde ndia. Ala leo nai Yerusalem.

Benyamin hataholin-nala lai Gibeon ma Yerusalem

²⁹ Yeiel napadedeik kota Gibeon-na, boema ana leo neme ndia. Saon na na'de Maakha,

³⁰ de ala bongi-la anatouk 10, fo nde: Abdon, fo uluk-ka, boema Zur, Kish, Baal, Ner, Nadab,

³¹ Gedor, Ahyo, Zakharia,

³² ma Miklot, fo Simea aman. Sila tititi-nonosin leo lai Yerusalem, sama-sama loo teidale fe'ek-kala, fo sila bei leo-ingu esa.

Mane Saul-la teidalen-nala

³³ Mane Saul-la aman na'de Kish, ma ba'in na'de Ner. Saul anatoun 4, fo nde: Yonatan, Malkisua, Abinadab ma Esybaal.

³⁴ Yonatan anatoun esa, na'de Meribaal, fo Mikha aman.

³⁵ Mikha anatoun 4, fo nde: Piton, Melekh, Tahrea ma Ahas.

³⁶ Ahas anan-na na'de Yoada, fo anatoun 3, fo nde: Alemet, Azmawet ma Zimri. Zimri tititi-nonosin tutuin-na nde ia: Moza,

³⁷ Bina, Rafa, Elasa, Azel.

³⁸ Azel anatoun 6, fo nde: Azrikam, Bokhru, Ismael, Searya, Obaja ma Hanan.

³⁹ Esek fo Azel tolanoo toun-na, anatoun 3, fo nde: Ulam fo uluk-ka, boema Yeus ma Elifelet.

⁴⁰ Ulam anan-nala basa-basas solda'du ao makadelek ma manakou malelak mesa-mesan. Upu-anatoun-nala basa-basas, hataholi 150. Sila basa-basas nde been-na, leo Benyamin-na, hataholin sila.