1 TAWARIKH 6 - Susula Malalaok Hehelu Palak Ma Hehelu Beuk

Lewi tititi-nonosin fo manada'di Imam Matuaina

¹ Lewi anatoun 3, fo nde: Gerson, Kehat ma Merari.

² Kehat anatoun 4, fo nde: Amram, Yizhar, Hebron ma Uziel.

³ Amram anatoun 2, fo nde: Harun ma Musa, ma anainak esa, fo nde Miryam. Harun anatoun 4, fo nde: Nadab, Abihu, Eleazar ma Ipopo-tamar.

⁴ Eleazar tutui bei-ba'i kain tutuin-na nde ia: Pinehas, Abisua,

⁵ Buki, Uzi,

⁶ Zerahya, Merayot,

⁷ Amarya, Ahitub,

⁸ Zadok, Ahimaas,

⁹ Asyaria, Yohanan

¹⁰ Asyaria (Nalalau-naoono nai Manetualain Uman fo Manek Salomo nafofo'an nai Yerusalem),

¹¹ Amarya, Ahitub,

¹² Zadok, Salum,

¹³ Hilkia, Asyaria,

¹⁴ Seraya, Yozadak,

¹⁵ Yozadak ia, nanafook sama-sama no hataholi Yehuda-la ma laun Yerusalem fe'ek-kala nai lelek Manetualain tu'u henis leo nusa fe'ek tunga Nebukadnezar.

Lewi tititi-nonosin fe'en-nala

¹⁶ Lewi anatoun 3, fo nde: Gerson, Kehat ma Merari.

¹⁷ Sila esa-esak maanak. Libni ma Simei nde been-na Gerson anan sila;

¹⁸ Amram, Yizhar, Hebron ma Uziel nde been-na Kehat anan sila.

¹⁹ Mahli ma Musi nde been-na Merari anan sila.

²⁰ Gerson tititi-nonosin tutuin-na nde ia: Libni, Yahat, Zima,

²¹ Yoah, Ido, Zerah, Yeatrai.

²² Kehat tititi-nonosin tutuin-na nde ia: Aminadab, Korah, Asir,

²³ Elkana, Ebyasaf, Asir,

²⁴ Tahat, Uriel, Uzia, Saul.

²⁵ Elkana anatoun 2, fo nde: Amasai ma Ahimot.

²⁶ Ahimot tititi-nonosin tutuin-na nde ia: Elkana, Zofai, Nahat,

²⁷ Eliab, Yeroham, Elkana.

²⁸ Semuel anatoun 2, fo nde: Yoel fo uluk-ka, ma Abia fo mate'a teisu'uk-ka.

²⁹ Merari tititi-nonosin tutuin-na nde ia: Mahli, Libni, Simei, Uza,

³⁰ Simea, Hagia, Asaya.

Basa manamakaminak sasanu manai Manetualain Uman

³¹ Lelek lali heok Peti Hehelu-balataak-ka leo mamana makaluku-makatele nai Yerusalem boema, Manek Dauk-ka hele hataholi fo nauli-nalanga nakamee kokoa-kikiok nai Manetualain Uman.

³² Langganggatiaok bela-ba'un nai Manetualain Lalaa Teman-na, nai tepo-lelek fo Manek Salomo beita nafofo'a Manetualain Uman-na fa.

³³ Hataholi fo nanafe bela-ba'uk ndia, bei-ba'in tutuin-na nde ia: Neme leo-ingu Kehat: Heman fo Yoel anan-na. Nauli-nalanga manamakameek ka esa. Bei-ba'in tutuin-na neme dae leo lain fo losa Yakob nde ia: Heman, Yoel, Semuel,

³⁴ Elkana, Yeroham, Eliel, Toah,

³⁵ Zuf, Elkana, Mahat, Amasai,

³⁶ Elkana, Yoel, Azarya, Zefanya,

³⁷ Tahat, Asir, Ebyasaf, Korah,

³⁸ Yizhar, Kehat, Lewi, Yakob,

³⁹ Asaf nde been-na mauli-malangan nai manamakameek ka 2. Bei-ba'in tutuin-na neme dae leo lain fo losa Lewi nde ia: Asaf, Berekhya, Simea,

⁴⁰ Mikhael, Baaseya, Malkia,

⁴¹ Etai, Zerah, Adaya,

⁴² Etan, Zima, Simei,

⁴³ Yahat, Gerson, Lewi.

⁴⁴ Etan nde been-na mauli-malangan nai manamakameek ka 3-a; ndia neme leo-ingu Merari mai. Bei-ba'in tutuin-na neme dae leo lain fo losa Lewi nde ia: Etan, Kisi, Abdi, Malukh,

⁴⁵ Hasabya, Amazia, Hilkia,

⁴⁶ Amzi, Bani, Semer,

⁴⁷ Mahli, Musi, Merari, Lewi.

⁴⁸ Bela-ba'u fe'e-fe'ek manai uma makaluku-makatele-a, nanafek neu sila nonoon-nala, fo bei hataholi Lewi boe.

Harun tititi-nonosin

⁴⁹ Harun no tititi-nonosin bela-ba'un nde tunu boomenik, tunu-hotu tutunu-hohotuk nanatunuk nai mei tunu-hotuk lain, tao basa feta mata-matak lala'en-na nai Kama Malalao-malalafuk nanseli-a, ma tunu-hotu tutunu-hohotuk soaneu fe do'o do ampon neu hataholi Israel-la sala-singon. Ala tao basa sila-la, nandaa no natutu'duk-natutu'duk fo Manetualain atan Musa fek-ka.

⁵⁰ Harun tititi-nonosin tutuin-na nde ia, Eleazar, Pinehas, Abisua,

⁵¹ Buki, Uzi, Zerahya,

⁵² Merayot, Amarya, Ahitub,

⁵³ Zadok, Ahimaas.

Hataholi Lewi-la mamana leleon-na

⁵⁴ Mamana leleok fo nanafek neu leo-ingu Kehat, fo Harun tititi-nonosin-nala nde ia. Ala sipo baba'e makasososak-ka neme dae fo nananatu'duk soaneu hataholi Lewi-la.

⁵⁵ Sila daen-na nini kota Hebron-na nai nusak Yehuda, ma moo mana'uk manai titia-tatain-nala.

⁵⁶ Tehu tina-la ma nggolo-nggolok manai kota ndia titia-tatain-nala, nanafek leo Kaleb, fo Yefune anan-na.

^57-59 Harun tititi-nonosin hapu Hebron fo kota nasulu aok-ka, Yatir ma nggolo-nggolok ia-la sama-sama no moo mana'un-nala nde ia: nggolok Libna, Estemoa, Hilen, Debir, Asan, Bet-Semes.

⁶⁰ Ala hapu nggolo-nggolok-kala sama-sama no moo mana'un manai leo Benyamin nusan-na, nde ia: Geba, Alemet ma Anatot. Basa-basan lala'en-na, hapu nggolok 13, soaneu sila teidalen-nala mamana leleon-na

⁶¹ Leo Manasye nggolon 10 nai Lee Yarden-na boboan muli, nanafek tunga tu'u batu leo teidalek-teidalek manai leo-ingu Kenat fo beita hapu dae fa.

⁶² Teidale-teidalek manai leo-ingu Gerson-na dalek, ala hapu nggolok 13 nai leo Isakhar, Asyer, Naftali ma Manasye fo nai Basan, nai Lee Yarden-na boboan dulu, nusan dale.

⁶³ Tunga tutu'u batuk ndia boe, teidale-teidalek manai leo-ingu Merari dalek, ala hapu nggolok 12 nai leo Ruben, Gad ma Zebulon nusan dale.

⁶⁴ Enon-na leondiak, leoina Israel-la, ba'e fe leo Lewi-a nggolo-nggolok-kala, sama-sama no moo mana'un-nala soaneu sila mamana leleon-na.

⁶⁵ Nggolo-nggolok manai leo Yehuda, Simeon ma Benyamin nusan-na dalek, fo nananafa'da basak ndia, ala baba'en tunga tu'u batu boe.

⁶⁶ Nai leo Efraim-ma nusan-na, leo-ingu Kehat-ta teidalen nggelok sipo nggolo-nggolok-kala sama-sama no moo mana'uk manai titia-tatain-nala nde ia:

⁶⁷ Sikhem, fo kota nasulu aok-ka nai nusak ndia letelepan-na, Gezer,

⁶⁸ Yokmeam, Bet-Horon,

⁶⁹ Ayalon ma Dat-Rimon.

⁷⁰ Nai leo Manasye nusan manai Lee Yarden-na boboan muli, ala sipo nggolok Aner ma Bileam no moo mana'uk manai titia-tatain-nala.

⁷¹ Leo-ingu Gerson-na teidalen-nala, hapu nggolo-nggolok-kala no moo mana'uk manai titia-tatain-nala nde ia: Nai leo Manasye nusan-na, fo nai Lee Yarden-na boboan dulu: Golan, fo nai Basan ma Asytarot.

⁷² Nai leo Isakhar-ra nusan-na: Kedes, Daberat,

⁷³ Ramot, ma Anem.

⁷⁴ Nai leo Asyer-ra nusan-na: Masal, Abdon,

⁷⁵ Hukok ma Rehob.

⁷⁶ Nai leo Naftali nusan-na: Kedes, fo nai Galilea, Hamon ma Kiryataim.

⁷⁷ Merari tititi-nonosin fo beita hapu dae fa, ala hapu nggolo-nggolok-kala no moo mana'uk manai titia-tatain-nala nde ia: Nai leo Zebulon-na nusan-na: Rimono ma Tabor.

⁷⁸ Nai leo Ruben-na nusan manai Lee Yarden-na boboan dulu, fo deka no Yerikho: Bezer letelepan-na, Yahas,

⁷⁹ Kedemot ma Mefaat.

⁸⁰ Nai leo Gad-ta nusan-na: Ramot, fo nai Gilead, Mahanaim,

⁸¹ Hesybon ma Yaezer.