1 TAWARIKH 4 - Susula Malalaok Hehelu Palak Ma Hehelu Beuk

Yehuda tititi-nonosin

¹ Manamaik ia nde been-na Yehuda tititi-nonosin nggelok, fo nde: Peres, Hezron, Karmi, Hur ma Syobal.

² Syobal nde been-na Reaya aman nde ndia, ma Yahat aman nde Reaya. Yahat anatoun 2, fo nde: Ahumai ma Lahad. Kota Zora laun-nala, bei-ba'i kain nde sila.

^3-4 Kaleb no saoinan mana'de Efrat-ta, ana ulun-na nde Hur. Hur tititi-nonosin nde lapadedeik kota Betlehem-ma. Etam, Pnuel ma Ezer nde been-na Hur anan sila. Etam anatoun 3, fo na'de Yizreel, Isma ma Idbas, ma anainak esa na'de Hazelelponi. Pnuel napadedeik kota Gedor-ra, ma Ezer napadedeik kota Husa.

⁵ Asyhur fo napadedeik kota Tekoa, saon 2, fo nde Hela ma Naara.

⁶ No Naara de ana bongi-na anatouk 4, fo nde: Ahuzam, Hefer, Temeni ma Ahastari.

⁷ No Hela, de Asyhur bongi-na anatouk 3, fo nde: Zeret, Yezohar ma Etnan.

⁸ Anub ma Hazobeba nde been-na Kos anatoun-nala, fo Kos ia, bei-ba'i kaik neme leo-ingu Aharhel fo Harum anan-na tititi-nonosin.

⁹ Hapu touk esa na'de Yabes; ndia nanafe ha'da-holomatak lena neme tolanoon-nala mai. Inan foin na'de Yabes, nanahu nai lelek inan bongin-nana, ana doi-doso nanseli.

¹⁰ Tehu Yabes hule-haladoi neu Manetualain fo hataholi Israel-la sene-do'ok-ka nae, “Ou Manetualain, ba'e-pala au leona, ma sa'di leo been-na tao mamaloa au nusang-nga. Masulu-mahapa au, ma madook susa-soe neme au mai, fo ela au boso doi-doso.” Boema Manetualain sipok nonoken-na.

Teidalek fe'ek-kala susula na'den-na

¹¹ Suha tolanoon Kelub anatoun esa na'de Mehir. Mehir anan-na nde Eston,

¹² de Eston anatoun 3, fo nde: Bet-Rafa, Paseah ma Tehina, fo napadedeik kota Nahas-sa. Hataholi sila-la tititi-nonosin leo nai kota Reka.

¹³ Kenas anatoun 2, na'de Otniel ma Seraya. Otniel boeo anatoun 2, fo nde: Hatat ma Meonotai.

¹⁴ Meonotai anan-na nde Ofra. Seraya anan-na nde Yoab, fo manamapadedeik Bafak Tuka. Basa laun lala'en manai bafak ndia nde been-na tuka malelaina mesa-mesan.

¹⁵ Kaleb fo Yefune anan-na, anatoun 3, fo nde: Iru, Ela ma Naam. Ela anan-na nde Kenas.

¹⁶ Yehaleleel anatoun 4, fo nde: Zif, Zifa, Tireya ma Asareel.

^17-18 Ezra anatoun 4, fo nde: Yeter, Mered, Efer ma Yalon. Mered saon-na Bica fo Manek Masir-ra anafe'on-na. Ala bongi-la anainak esa, na'de Miryam, ma anatouk 2, na'de Samai ma Yisba. Yisba nde napadedeik kota Estemoa. Mered boeo sao-na inak esa neme leo Yehuda mai. Sila anatoun 3, fo nde: Yered, fo napadedeik kota Gedor-ra, Heber, napadedeik kota Sokho, ma Yekutiel, napadedeik kota Zanoah.

¹⁹ Hodia saon-na Naham anafe'on-na. Sila tititi-nonosin nde leo-ingu Garmi ma leo-ingu Maakha bei-ba'i kain. Leo-ingu Garmi leo nai kota Kehila, ma leo-ingu Maakha leo nai kota Estemoa.

²⁰ Simon anatoun 4, fo nde: Amnon, Rina, Benhanan ma Tilon. Yisei anatoun 2, fo nde: Zohet ma Ben-Zohet.

Sela tititi-nonosin

^21-22 Yehuda anan esa na'de Sela. Tititi-nonosin nde ia: Er, napadedeik kota Lekha Lada, napadedeik kota Maresa Leo-ingu fo manatenu-henge tema abalutu manai kota Bet-Asybea Yokim Kota Kozeba laun-na Yoas Saraf fo manasao ina Moab-pala de basa boema, ana fali ne'un leo Betlehem neu. Susula na'dek ndia, nanasulak neme susulak fo nanasulak neme ulu-doon eli mai.

²³ Sila basa-basas manatao kete ma nggusi soaneu manek-ka, ma ala leo nai kota Netaim ma Gedera.

Simeon tititi-nonosin

²⁴ Simeon anatoun 5, fo nde: Nemuel, Yamin, Yarib, Zerah ma Saul.

^25-26 Saul tititi-nonosin nde ia: Salum Mibsam Misma Hamuel Zakur Simei.

²⁷ Simei anan 22: de touk 16, ma inak 6. Tehu Simei tolanoo ka'a-fa'din anan ta ba'uk-ka fa. Simeon tititi-nonosin ta de'u Yehuda tititi-nonosin fa.

²⁸ Losa Manek Dauk-ka tepo-lelen-na, Simeon tititi-nonosin leo nai kota-kota-la nde ia: Batsyeba, Molada, Hazar-Sual,

²⁹ Bilha, Ezem, Tolad,

³⁰ Betuel, Horma, Ziklag,

³¹ Bet-Markabot, Hazar-Susim, Bet-Biri ma Saaraim.

³² Ala leo lai mamana fe'ek 5 boe, fo nde: Etam, Ai, Rimon, Tokhen, Asan,

³³ ma nggolo-nggolok manai mamanak sila-la titia-tatain losa leo kota Baal-la, nai boboak muli konak. Susula nanasulak fo hapun nai Simeon tititi-nonosin, la'eneu Tutui bei-ba'in ma sila mamana leleon-na, leondiak.

^34-38 Susula manamaik ia nde been-na malanga leo-ingu manai leo Simeon-na dalek nde ia: Mesobab Yamlekh Yosa, fo Amazia anan-na Yoel Yehu, fo Yosibya anan-na (Yosibya nde been-na Seraya anan-na, fo Asiel upun-na), Elyoënai Yaakoba Yesohaya Asaya Adiel Yesimiel Benaya Ziza, fo Sifea anan-na (Sifei tutui bei-ba'in tutu'dan leo lain-na nde: Alon, Yedaya, Simri, Semaya). Hu kande sila teidalen-na boetai lamade'uk-ka,

^39-40 boema ala tapasasala leo muli leu, losa deka loo kota Gedor-ra nai bafak esa. Nai bafak ndia boboan dulu, ala hapu moo mana'u neulauk bai te maloa boema nee-nee lino-linok soaneu sila bana-manun. Makahulun-na, hataholi Ham fo laso'da no mole-dame a, ala leo nusak ndia.

⁴¹ Nai tepo-lelek Hizkia mane Yehuda, fo Simeon tititi-nonosin ndia, sapu-na Gedor. Ala tao lakalulutuk laun manai kota ndia lalaa teman-nala ma hataholi Meunim-mala, boema ala usi heni laun-na. Basa boema, ala leo lahele leme naa, nanahu moo mana'un makadotok soaneu sila bana-manun-nala.

⁴² No Yisei anan-nala, fo nde: Pelaca, Nearya, Refaya ma Uziel nauli-nalangan de, leo Simeon-na, hataholin 500, ala lali leo Edom leu, fo nai dulu.

⁴³ Ala taolisa bei ela hataholi Amalek-kala, boema neme lelek ndia mai, ala leo lahele leme ndia.