1 TAWARIKH 3 - Susula Malalaok Hehelu Palak Ma Hehelu Beuk

Dauk anatoun-nala

^1-3 Dauk bongi anatouk maneme Hebron-na, nanasulak tunga esa-esak teun-na nde ia: Amnon – inan na'de Ahinoam, fo hataholi Yizreel Danial – inan na'de Abigail, fo hataholi Karmel Absalom – inan na'de Maakha, fo Talmai, manek Gesur-ra, anafe'on-na Adonia – inan na'de Hagit Sefaca – inan na'de Abital Yitream – inan na'de Egla.

⁴ Dauk anatou ka 4-n sila-la bongis leme Hebron, mamanak fo Dauk paleta teuk 7, bulak 5 dalen-na. Dauk paleta neme Yerusalem, teuk 33 dalen-na,

⁵ De ana bongi anatoun makadotok leme naa. Dauk no saon mana'de Batsyeba, fo Amiel anan-na, bongin-na anatouk 4, bongis leme Yerusalem fo nde: Simea, Sobab, Natan ma Salomo.

⁶ Ana bongi anatou fe'ek 9 boe, fo nde: Yibhar, Elisua, Elifelet,

⁷ Nogah, Nefeg, Yafia,

⁸ Elisama, Elyada ma Elifelet.

⁹ Fe'ek neme sila-la mai, bei hapu Dauk anatoun-nala neme sao ka 3 ma ka 4-na mai. Ana bongi anafe'ok esa boe, na'de Tamar.

Manek Salomo-a tititi-nonosin

^10-14 Mane-manek Israel-la tutui bei-ba'in mulai neme Manek Salomo losa Yosia nde ia: Salomo, Rehabeam, Abiam, Asa, Yosafat, Yehoram, Ahazia, Yoas, Amazia, Uzia, Yotam, Ahas, Hizkia, Manasye, Amon ma Yosia.

¹⁵ Yosia anatoun 4, fo nde: Yohanan, Yoyakim, Zedekia ma Yoahas.

¹⁶ Yoyakim anatoun 2, na'de Yoyakim ma Zedekia.

Manek Yoyakhin-na tititi-nonosin

¹⁷ Yoyakhin, manek fo hataholi Babel-la foo lenin da'di leo hataholi nanafook-ka, tititi-nonosin nde ia: Anamanen 7, fo nde: Sealtiel,

¹⁸ Malkhiram, Pedaya, Syenazar, Yekamya, Hosama ma Nedabya.

¹⁹ Pedaya bongi anatouk 2, fo nde: Zerubabel ma Simei. Zerubabel anatoun 2, na'de Mesulam ma Hananya, ma anainak esa, na'de Selomit.

²⁰ Bei hapu seluk anatoun 5, fo nde: Hasuba, Ohel, Berekhya, Hasaja ma Yusab-Hesed.

²¹ Hananya anatoun 2, fo nde: Pelaca ma Yesaya. Yesaya nde been-na Refaya aman nde ndia, Arnan aman nde Refaya, Obaja aman nde Arnan, ma Sekhanya aman nde Obaja.

²² Sekhanya anatoun esa, na'de Semaya, ma Semaya anatoun 5, fo na'de Hatus, Yigal, Bariah, Nearya ma Safat.

²³ Nearya anatoun telu fo nde: Elyoenai, Hizkia ma Azrikam.

²⁴ Elyoenai anatoun 7, fo nde: Hodawya, Elyasib, Pelaya, Akub, Yohanan, Delaya ma Anani.