1 TAWARIKH 27 - Susula Malalaok Hehelu Palak Ma Hehelu Beuk

Solda'du manaho'u paleta ma hataholi mana'a ngga'di-la

^1-15 Malanga uma loo, mauli-malanga teidale-bobongik ma malanga solda'du matuainan-nala nde ito-ato paleta nai nusa Israel-la. Tunga teuk, fo nai bulak esa dalen-na, bubuak esa hapu bela-ba'uk langganggatiaok, fo malangan esa nde da'di mauli-malangan. Bubuak esa soona, hataholi lifun duahulu haa. Basa mauli-malangan fo manahapu bela-ba'uk nai bulak esa dalen-na, na'den-nala nde ia: Bulak makasososan-na: Yasobam, fo Zabdiel anan-na (fo teidale-bobongik Peres ma leo Yehuda hataholin ndia). Bulak ka dua: Dodai, fo Ahohi tititi-nonosin. Miklot nde limaboa konan-na. Bulak ka telu: Benaya, fo Imam Yoyada anan-na; ndia mauli-malangan nai “Bubuak Tridasawira” (fo anan Amizabad nde limaboa konan-na). Bulak ka haa: Asael, fo Yoab tolanon-na (Anan Zebaja nde nggatin-nana). Bulak ka lima: Samhut, fo Yizrah tititi-nonosin ndia. Bulak ka nee: Ire, fo Ikes anan-na, neme kota Tekoa mai. Bulak ka hitu: Heles, fo Efraim neme kota Peloni, tititi-nonosin ndia. Bula ka falu: Sibkhai neme kota Husa mai (fo teidale-bobongik Zerah, ma leo Yehuda hataholin ndia). Bulak ka sio: Abiezer neme kota Anatot-ta mai, fo nai leo Benyamin nusan-na. Bulak ka sanahulu: Maharai, fo Zerah neme kota Netofa, tititi-nonosin ndia. Bulak ka sanahulu esa: Benaya, neme kota Piraton-na mai fo nai leo Efraim-ma nusan-na. Bulak ka sanahulu dua: Heldai, fo Otniel neme kota Netofa tititi-nonosin ndia.

Mane leo fo manai leoina Israel-la dalek

^16-22 Mane leo manai leoina Israel-la dalek: Leo Malangan Ruben Eliezer, fo Zikhri anan-na Simeon Sefaca, fo Maakha anan-na Lewi Hasabya, fo Kemuel anan-na Harun Zadok Yehuda Elihu, fo Manek Dauk-ka tolanon ndia Isakhar Omri, fo Mikhael anan-na Zebulon Yismaya, fo Obaja anan-na Naftali Yerimot, fo Azriel anan-na Manasye manai Lee Yarden-na boboan muli Yoel, fo Pedaya anan-na Manasye manai Lee Yarden-na boboan dulu Yido, Zakharia anan-na Benyamin Yaasiel, Abner anan-na Dan Azareel, fo Yeroham anan-na

Leo Malangan

²³ Manek Dauk-ka ta leke hataholi fo teun duahulu leo dae neu fa, nana Manetualain helu basa sanga tao na hataholi Israel-la de'u nduuk manai lalai-a.

²⁴ Yoab fo Zeruya anan-na lke laun-na dede'un-na, tehu ana ta nakababasak-kana fa, nana Manetualain huku hataholi Israel-la, nanahu lelekek ndia. Hu ndia de, sila dede'un-na ta nanasulak nai Manek Dauk-ka susulan dale fa.

Manaito-ato manek-ka hata-heton

^25-31 Basa manaito-ato manek-ka hata-heton na'den-nala nde ia: Gudang-gudang manai uma manek-ka ma manai Yerusalem-mala: Azmawet, fo Adiel anan-na. Gudang-gudang manai Yerusalem deak: Yonatan, fo Uzia anan-na. Manatao tina osi: Ezri, fo Kelub anan-na Osi angol-lala: Simei neme kota Rama mai Mamana pepe'da angol-lala: Zabdi neme kota Syifmi mai Ai setun ma ai kaak (fo manai leteleak boboak muli huun-na): Baal-Hanan neme kota Gederi mai. Mamana pepe'da mina setun-nala: Yoas Bana-manu manai bafa-bafak-kala: Safat, fo Adlai anan-na Onta: Obil, fo Ismael tititi-nonosin Bi'ilopo ma bi'ihiik-kala: Yazis, fo hataholi Hagri ndia.

Basa Dauk manamanolin-mafa'dan-nala

³² Manek Dauk-ka to'on fo mana'de Yonatan-na, nde been-na hataholi esa manamanolin-mafa'da malelak ma manasakolak. Ndia ma Yehiel fo Hakhmoni anan-na hapu bela-ba'uk soaneu manek-ka anamanen-nala sakola na.

³³ Ahitofel nde been-na manek-ka manamanolin-mafa'dan, ma Husai, fo hataholi Arki ndia, nde been-na manek-ka manamanolin-mafa'dan ma tia-lai malolen.

³⁴ Mate basa Ahitofel boema, Abyatar ma Yoyada fo Benaya anan-na, ala ngatin. Nusak-ka malanga solda'du matuainan-na nde Yoab.