1 TAWARIKH 24 - Susula Malalaok Hehelu Palak Ma Hehelu Beuk

Tatao-nono'ik fo nanafek neu imam malanga solda'du matuaina

^1-3 Harun anatoun haa, fo nde: Nadab, Abihu, Eleazar ma Ipopo-tamar. Nadab ma Abihu mate lakahuluk leme sila aman mai, te ana taa kala. Hu ndia de, sila tolanon Eleazar ma Ipopo-tamar da'di imam. Dauk ba'e Harun tititi-nonosin neu bubua-bubuak kala tunga sila bela-ba'un. Nai bubuak sila-la tatao-nono'in nala dalek, Zadok fo Eleazar tititi-nonosin ma Abimelekh fo Ipopo-tamar tititi-nonosin na, tulu-fali Dauk.

⁴ Ipopo-tamar tititi-nonosin nanaba'ek neu bubuak falu, tehu Eleazar tititi-nonosin nanaba'ek neu bubuak sanahulu nee, nana nai Eleazar tititi-nonosin na dalek, hapu touk malanga uma loo lena ba'uk ka.

⁵ Nanahu nau nai Eleazar tititi-nonosin na dalek do nai Ipopo-tamar tititi-nonosin na dalek hapu manaho'u paleta nai Manetualain Uman na, mauli-malangan agama, boema baba'e bela-ba'uk ka ala taon nenik ala hela lot.

⁶ Eleazar tititi-nonosin ma Ipopo-tamar tititi-nonosin hela lot langganggatiaok, boema manasulak susulak esa na'de Semaya fo Netaneel, hataholi Lewi ndia, anan na, nde sulak sila na'den nala. Basa sila-la ala taon nai manek-ka matan sama-sama no hataholi mana'a ngga'di nala, Imam Zadok, Ahimelekh fo Abyatar anan na boema malanga uma loo la leme bubuak imam mala ma bubuak Lewi la malanga uma loon-na la mai.

^7-18 Langganggatiaok bela-ba'uk fo ala hapun neme tutu'ubatuk ka mai soaneu bubuak ka duahulu haak sila-la nomel la tunga-tunga nde ia: 1. Yoyarib 13. Hupa 2. Yedaya 14. Yesebeab 3. Harim 15. Bilga 4. Seorim 16. Imer 5. Malkia 17. Hezir 6. Miyamin 18. Hapizes 7. Hakos 19. Petahya 8. Abia 20. Yehezkiel 9. Yesua 21. Yakhin 10. Sekhanya 22. Gamul 11. Elyasib 23. Delaya 12. Yakim 24. Maazya

¹⁹ Hataholi sila-la na'den nala nanasulak tunga sila fain fo masok leo Manetualain Uman neu fo ala tao makaluku-makatele fo sila bei-ba'in kain Harun naketu basan nandaa no Israel Manetualain paletan na.

Hataholi Lewi la susulan-na'den na

^20-26 Fe'ek neme ndia mai, nai Lewi tititi-nonosin na dalek bei hapu malanga uma loo la nde ia: Yehdeya, fo Amram tititi-nonosin, neme Subael tititi-nonosin tutu'da na mai; Yisia, fo Rehabya tititi-nonosin; Yahat, fo Yizhar tititi-nonosin neme Selomot tititi-nonosin tutu'da na mai; Yeria, Amarya, Yehaziel ma Yekameam fo Hebron anan nala tunga teu bobongin nala. Samir, fo Uziel tititi-nonosin neme Mikha tititi-nonosin tutu'da na; Zakharia, fo Uziel tititi-nonosin neme Yisia fo Mikha tolanon na tititi-nonosin tutu'dan na mai; Mahli, Musi ma Yaazia, fo Merari tititi-nonosin.

²⁷ Yaazia anatoun telu, fo nde: Syoham, Zakur ma Hibri.

^28-29 Mahli anatoun dua fo na'de Eleazar ma Kish. Eleazar anatoun ta, tehu Kish anatoun esa na'de Yerahmeel.

³⁰ Musi anatoun telu, fo nde: Mahli, Eder ma Yerimot. Teidalek-teidalek manai leo Lewi dalek ka, nde sila-la.

³¹ Soaneu sila-langganggatiaok bela-ba'un na, de malanga uma loo la esa-esak, sama-sama no fa'di toun esa hela lot sama leo hata fo sila tolano ka'a-fa'din nala taok-ka, fo nde basa imam fo Harun tititi-nonosin nala. Manek Dauk ka sama-sama no Zadok, Ahimelekh boema malanga uma loo la leme imam mala buaon na mai ma leme hataholi Lewi la buaon na mai, sakasii matan hehela lot ndia.