Ырлар 92 - Ыдыктыг Библия

¹ Дээрги-Чаяакчы хааннап турар! Ол өндүр чырыкты хеп дег кедип алган, күчү-күштү кеткеш, куржанып алган, Дээрги-Чаяакчы өртемчейни божаңнавас кылдыр быжыг үндезинде тургузуп каан.

² Сээң дүжүлгең шаг шаанда үндезилеттинип тургустунган, үе-дүптен бээр бар турган сен.

³ Суглар шимээргеп турду, Дээрги-Чаяакчы, суглар ыыт-шимээнин улгаттырып турду, агым суглар дагжап турду.

⁴ Ынчалзажок бедидир көдүрткен Дээрги-Чаяакчы хөй сугларның ыыт-шимээнинден-даа, далайның сүртенчиг чалгыгларындан-даа күчүлүг.

⁵ Сээң хоойлуларың ылап шынныг, Сээң өргээңге кезээ мөңгеде ыдыктыг болуру чогуур.