Ырлар 86 - Ыдыктыг Библия

¹ Корахтың оолдарыныы. Мизмор-ыр.

² Дээрги-Чаяакчы Бодунуң хоорайының таваан ыдыктыг дагларда салган. Ол Сионнуң эжик-хаалгазынга Израильдиң шупту оран-саваларындан артык ынак.

³ Бурганның хоорайы, сээң дугайыңда алдаржыдып чугаалап турар. Сэла

⁴ Бурган: «Мени чоок таныыр улуска Рахав биле Вавилон чурттугларже айтыр мен. Бо – филистимнер-дир, бо – Тир биле Эфиопияның чурттакчылары-дыр. Ол кижи аңаа, бо кижи дуу аңаа төрүттүнген» – дээр.

⁵ А Сион дугайында: «Ол-даа кижи, бо-даа кижи Сионга төрүттүнген. Дээди Өрүкү ол хоорайны Боду үндезилеп тургузуп турар» – деп чугаалажыр.

⁶ Дээрги-Чаяакчы улустарны чизелеп: «Ол кижи аңаа, бо кижи дуу аңаа төрүттүнген» деп бижип каар. Сэла

⁷ А ырлажып, самнап турар улус: «Сион, суум баштары шупту сенден аттыгып үнген» – дээр.