Ырлар 8 - Ыдыктыг Библия

1 Хөгжүм башкарыкчызынга. Гиттит деп хөгжүм херексели үдээр . Мизмор-ыр. Давидтии.

¹ Хөгжүм башкарыкчызынга. Гиттит деп хөгжүм херексели үдээр. Мизмор-ыр. Давидтии.

^2-3 Дээрги-Чаяакчы! Бистиң Дээргивис! Сээң адыңның бүгү чер кырында өндүр бедиин! Сээң алдарың бичии уругларның, эмер чаштарның аксындан дээрлерден-даа бедидир көдүрлүп тур! Быжыг шивээ тудуп алдың – дайзыннарлыг болгаш, өжээтениң, адаанчың ыыттавайн барзын дээш, ынчалдың.

⁴ Сээң холдарыңның чаяап кааны дээрлерже, Сээң ында быжыглап кааның ай биле сылдыстарже көргеш, боданып тур мен:

⁵ «Кижи деп кымыл ол, Сен ону чүге бодап чоруур сен? Кижи амытан деп кымыл ол, Сен ол дээш чүге сагыш човаар сен?»

⁶ А Сен ону Бурганның деңнелинден хензиг-ле куду деңнелдиг кылып каан сен; ону ат-алдар болгаш мактал-хүндү-биле демдектедиң.

⁷ Сен ону холдарыңның чаяап кааны бүгү чүүлдүң чагырыкчызы кылып, бүгү чүүлдү ооң буттарының адаанга салып кагдың:

⁸ бүгү шээр болгаш бода малды, хову-шөлде аң-меңни,

⁹ дээрниң куштарын, далайның балыктарын, далай оруктары-биле эштип чоруур бүгү чүвени ооң буттарының адаанга салып кагдың.

¹⁰ Дээрги-Чаяакчы! Бистиң Дээргивис! Сээң адыңның бүгү чер кырында өндүр бедиин!