Ырлар 53 - Ыдыктыг Библия

1-2 Хөгжүм башкарыкчызынга. Хылдыг хөгжүм херекселдери үдээр. Маскил-ыр. Давидтии. Зифтиң чурттакчылары Саул хаанга келгеш: «Давид бистиң аравыста чаштынып турар болгай» – дээн таварылгага хамааржыр .

^1-2 Хөгжүм башкарыкчызынга. Хылдыг хөгжүм херекселдери үдээр. Маскил-ыр. Давидтии. Зифтиң чурттакчылары Саул хаанга келгеш: «Давид бистиң аравыста чаштынып турар болгай» – дээн таварылгага хамааржыр.

³ Бурганым! Бодуңнуң адың-биле мени камгала; Бодуңнуң күчүң-биле мени агарт!

⁴ Бурганым! Мөргүлүмнү дыңнап, аксы-сөзүмнү кичээнгейге ал.

⁵ Хары улус менче халдап келди; түрлүг улус амы-тынымны үзер деп тур – Бурганны тооп көрбес улус ол-дур. Сэла

⁶ Дыңнаңар! Бурган меңээ дузалап тур, Дээрги мээң сеткилимни быжыктырды.

⁷ Дайзыннарымны бузуду дээш кезедип көр, чөптүг болгаш, оларны Сен узуткап каг.

⁸ Эки турам-биле Сеңээ өргүлүм салыр мен, Дээрги-Чаяакчы, Сээң адыңны, ачылыг боорга, алдаржыдар мен.

⁹ Сен мени хамык айыыл-халавымдан адырган болгай сен, дайзыннарым буураанын-даа караам-биле көрүп тур мен.