Biblia Todo Logo
Bìoball air-loidhne

- Sanasan -

Ырлар 41 - Ыдыктыг Библия


1 Хөгжүм башкарыкчызынга. Маскил-ыр. Корахтың оолдарыныы .

1 Хөгжүм башкарыкчызынга. Маскил-ыр. Корахтың оолдарыныы.

2 Иви аңның агым сугну күзээри дег, сеткил-хөңнүм Сени күзеп тур, Бурганым.

3 Дириг Бурганче сеткил-хөңнүм чүткүп тур. Бурганымның мурнун орта кажан чедип, көстүр ирги мен?!

4 Хүннүң-не улус: «Бурганың кайыл?» – дижип турда, дүне-хүндүс караам чажы аъш-чемим болуп турган.

5 Бурганның өргээзинче өөрүшкүлүг йөрээл салып шуужуп, байырлаан хөй чонну баштап чордум чоп. Ам ол бүгүнү сагынгаш, сеткил-чүрээм саргып чор.

6 Сеткил-хөңнүм чүге ундарап турары ол? Чүге дүүреп-хөлзээри ол? Бурганга идегээйн, Камгалакчы Бурганымны ам-даа мактап чоруур дээн мен.

7-8 Сеткил-хөңнүм ундарап, Сени сактып ор мен. Иордан черден, Эрмон сыннардан, Мицар даандан дүп чок суглар удур-дедир кыйгыржыр: шуралгактар кооладыр дагжаар. Сүртенчиг чалгыгларың дөгерези мени хөме таварыыр.

9 Дээрги-Чаяакчы хүндүс меңээ энерел көргүзер, дүне мен Аңаа аян тудуп, ырлап бээр мен – тынгарыкчы Бурганымга мөргүүрүм ол.

10 Чалым-хаям болур Бурганымга: «Мени чүге уттуң? – дээр мен. – Дайзыннарга базындырып, хомудалдан човууртап чоруур ужурум чүл?»

11 «Бурганың кайыл?» – деп, дайзыннарым менден хүннүң-не айтырып, кочулаарга, сөөктерим углуп, сыйылган дег.

12 Сеткил-хөңнүм чүге ундарап турары ол? Чүге дүүреп-хөлзээри ол? Бурганга идегээйн, Камгалакчы Бурганымны ам-даа мактап чоруур дээн мен.

© Институт перевода Библии, Москва, 2011

Institute for Bible Translation, Russia
Lean sinn:



Sanasan