Ырлар 3 - Ыдыктыг Библия

1 Мизмор-ыр. Давидтии. Давидтиң бодунуң оглу Авессаломдан дезип бар чыткан үезинге хамааржыр .

¹ Мизмор-ыр. Давидтии. Давидтиң бодунуң оглу Авессаломдан дезип бар чыткан үезинге хамааржыр.

² Дээрги-Чаяакчы, дайзыннарымның көвүдээнин! Менче халдап турарларның хөйүн!

³ Хөй-ле улус мээң салым-чолум дугайында: «Аңаа Бургандан камгалал келбес!» – дижип тур. Сэла

⁴ А Сен, Дээрги-Чаяакчы, дозуг-камгалалым сен, алдарым сен, бажымны көдүрер сен.

⁵ Дээрги-Чаяакчыны кыйгырып тур мен – Бодунуң ыдык даанда Ол мени дыңнап турар. Сэла

⁶ Дээрги-Чаяакчы мени деткип турар, ынчангаш сагыш амыр чыдып аар мен, удуп-удуп, туруп кээр мен.

⁷ Бүгү чүктерден менче халдап, бүзээлээн дүк-түмен дайзыннардан кортпас-даа мен.

⁸ Дээрги-Чаяакчы, дүрген келем, Бурганым, мени камгала! Шупту дайзыннарымның чаактарынче дажып, бузуттугларның азыг-дижин турулдур шаап тур сен,

⁹ Камгалал Дээрги-Чаяакчыдан кээр, Сээң чонуң ачы-буяныңны четтирер. Сэла