Ырлар 148 - Ыдыктыг Библия

¹ Аллилуйя! Дээрги-Чаяакчыны кудайлардан алгап-мактаңар, Ону өрү дээрден алгап-мактаңар!

² Дээрги-Чаяакчының бүгү төлээлери, бүгү аг-шерии, Ону алгап-мактаңар!

³ Хүн биле ай, Ону алгап-мактаңар! Чайынналган хамык сылдыстар, Ону алгап-мактаңар!

⁴ Дээрлерниң эң бедии база дээрлерниң кырында суглар, Ону алгап-мактаңар!

⁵ Олар шупту Дээрги-Чаяакчының сөзүн ёзугаар чаяаттынган болгай, ынчангаш Ооң адын алгап-мактазын;

⁶ Дээрги-Чаяакчы оларны кажан шагда, кезээ мөңгеде тургузуп каан, ажыр базып болбас дүрүмүн оларга берген.

⁷ Дээрги-Чаяакчыны чер кырындан алгап-мактаңар: далайның улуг амытаннары биле дүп чок бүгү ээремнер,

⁸ чаңнык биле долу, хар биле бус-туман, Ооң айтыышкынын күүседип турар шуурган,

⁹ даглар биле бүгү тейлер, чимистиг ыяштар биле бүгү пөштер,

¹⁰ аң-мең биле бүгү мал-маган, соястаарлар биле чалгынныг куштар,

¹¹ черниң хааннары биле бүгү чоннар, чагырыкчылар биле черниң баштыңнары,

¹² аныяк оолдар-кыстар, кырган-чалыы – Ону алгап-мактаңар!

¹³ Олар шупту Дээрги-Чаяакчының адын алгап-мактазын. Чүгле чаңгыс Ооң адын кымдан-даа арттыр мактаан-дыр, Ооң чайынналчаа чер биле дээрден бедээн-дир.

¹⁴ Ол Бодунуң чонунуң күчү-күжүн көвүдеткен-дир, Аңаа бердинген бүгү улуска, Аңаа чоок израиль чонга макталды берген-дир! Аллилуйя!