Ырлар 128 - Ыдыктыг Библия

Көдүрлүүшкүн ыры .

¹ Израиль чугаалазын: аныяамдан-на дайзыннарым мени аажок кызагдап келген.

² Аныяамдан-на дайзыннарым мени аажок кызагдап келген, ынчалза-даа ажып-тиилеп шыдаваан.

³ Дайзыннар – үрезин тарып, чер чарган чажыкчы дег, ооргамны балыглап, ханы истер арттырып каан.

⁴ Ынчалза-даа Дээрги-Чаяакчы чөптүг шиидип, бузуттугларның мени хүлээн кинчи-бегин үзе шаапты.

⁵ Сион дагны көөр хөңнү чок бүгү улус кочу-шоотка кирип, дедир дессин.

⁶ Олар – бажың кырындан үнүп келгеш, өзүп четтикпейн чыда-ла, кадып каар оът-сиген дег болзун.

⁷ Шак ол оът-сиген тараа кезикчизиниң холунга туттунмас, моожа баглакчызының адыжын долбас;

⁸ оларның чаны-биле эрткен-дүшкен улус-даа: «Дээрги-Чаяакчының ачы-буяны силерде-дир! Дээрги-Чаяакчының ады-биле силерни алгап-йөрээп тур бис!» – деп чугаалавас.