Ырлар 124 - Ыдыктыг Библия

Көдүрлүүшкүн ыры .

¹ Дээрги-Чаяакчыга идегээр улус Сион даг-биле дөмей – а ол даг шимчеш дивейн, кезээ мөңгеде турар.

² Даглар Иерусалимни дескиндир турар, а Дээрги-Чаяакчы амдыгааштан эгелээш, кезээ мөңгеде Бодунуң чонунуң чанынга турар.

³ Бузуттуглар чөптүг-шынныг улустуң хувааглыг черин башкарып артпас – оон башка ол улус кем-буруулуг херектерже холдарын сугар болгай.

⁴ Мөзүзү эки, буянныг улуска ачылыг бол, Дээрги-Чаяакчы.

⁵ А ыргак оруктар-биле будалып чоруй баар улусту Дээрги-Чаяакчы бузут үүлгедикчилери-биле кады сывырып чорудупсун. Израильге амыр-тайбың доктаазын!