Ырлар 12 - Ыдыктыг Библия

¹ Хөгжүм башкарыкчызынга. Мизмор-ыр. Давидтии.

² Дээрги-Чаяакчы, кажанга дээр мени уттуң? Кезээ мөңгеде уттур сен бе? Кажанга дээр менден хая көрнүр сен?

³ Кажанга дээр ындыг бодалдар мени хинчектээрил? Хүннү бадыр сеткил-чүрээм качыгдап тур. Кажанга дээр дайзыннарым өрү көрдүнерил?

⁴ Дээрги-Чаяакчы, Бурганым, менче көрнүп, харыыдан бер! Карактарым чырыдып бер: өлүм мени удутпазын!

⁵ «Ону базып кааптым!» – деп, дайзыным сөглевезин. Тендиңейни бээримге, өжээтеним өөрүвезин.

⁶ Энерелиңге идегедим, Дээрги-Чаяакчы. Камгалалың дээш сеткил-чүрээм байырлазын. Меңээ көргүскен буяны дээш Дээрги-Чаяакчыны алгап ырлаайн!