Иов 25 - Ыдыктыг Библия

Вилдадтың чугаазы: кижи Бурганның мурнунга чөгенчиг

¹ Шуах чурттуг Вилдад мынча деп харыылаан:

² «Эрге-чагырга биле коргуушкун оттурар күш – Бурганда; Ол Бодунуң бедик дээрлеринге амыр-тайбыңны доктаадып турар.

³ Ооң аг-шерии эмге-тикчок! Ооң чырыы кымның кырынга чырып үнмезил?

⁴ Ынчан кижи амытан канчап Бурганның мурнунга агартынарыл, херээженден төрүттүнген кижи канчап арыг боорул?

⁵ Көр даан, Ооң мурнунга бо ай безин чырык деп санаттынмас-тыр, сылдыстар база арыг эвес көстүр-дүр;

⁶ а кижиде чүү боор, ол курт-тур, кижи амытан – сирге-дир!»