Zebur 9 - Mukaddes Kitap

9-njy mezmur

1 Aýdymçylar toparynyň ýolbaşçysyna. Mut labende . Dawudyň mezmury .

¹ Aýdymçylar toparynyň ýolbaşçysyna. Mut labende. Dawudyň mezmury.

Alef

Alef

² Men bütin ýüregim bilen Rebbe şükür ederin; Seniň ähli gudratly işleriňi aýdyp bererin.

³ Sende begenerin, joşa gelerin, adyňy taryplap, nagma aýdaryn, ýa Beýik Hudaý!

Bet

Bet

⁴ Meniň duşmanlarym yzlaryna dönende, büdräp, ýok bolýarlar Seniň öňüňde.

⁵ Çünki Sen adalatly alyp bardyň dawamy, Sen tagtda oturyp, çykardyň dogry karary.

Gimel

Gimel

⁶ Milletleri ýazgardyň, heläk etdiň erbetleri, ebedilik we baky öçürdiň olaryň atlaryny.

⁷ Müdimilik weýrançylykda ýok boldy duşman, şäherlerini ýok etdiň düýp-teýkaryndan, olary ýatlamadan galmady nyşan.

Dalet (He)

Dalet (He)

⁸ Ýöne Reb baky höküm sürýändir; Ol adalatly höküm çykarmak üçin, Öz tagtyny berkarar etdi.

⁹ Ol dogrulyk bilen dünýä kazylyk edýär, halklara ýüz görmezden höküm çykarýar.

Waw

Waw

¹⁰ Reb berkitme bolar ezilýänlere, berkitme bolar muşakgatlyk wagtynda.

¹¹ Adyňy bilýänler Saňa bil baglar, çünki, ýa Reb, Sen Özüňi agtarýanlary terk eden dälsiň.

Zaýin

Zaýin

¹² Sionda mesgen tutan Rebbe nagmalar aýdyň, halklaryň arasynda eden işlerini jar ediň.

¹³ Çünki Ol dökülen ganlaryň hununy alýar, olary Öz hakydasynda saklaýar; ejir çekýänleriň perýadyny Ol unutmaýar.

Ḥet

Ḥet

^14-15 Ýa Reb, maňa merhemet eýle, gör meni ýigrenýänlerden çekýän derdimi; Saňa ähli alkyşlarymy jar ederim ýaly, Sensiň ölüm derwezelerinden meni halas eýleýän. Sion gyzynyň derwezelerinde Seniň halas edişiňe men şatlanaýyn.

Ṭet

Ṭet

¹⁶ Milletler gazan çukuryna özleri gaçdy, gizläp guran toruna öz aýaklary çolaşdy.

¹⁷ Çykaran höküminde Reb Özüni tanatdy – erbetleriň sapalagyna özlerini düşürdi. Higaýon. Sela

Ýod

Ýod

¹⁸ Ölüler dünýäsine düşer erbetler we Hudaýy unudan ähli milletler.

Kaf

Kaf

¹⁹ Çünki mätäç hemişelik unudyljak däl, garybyň umydy hem baky ýitjek däl.

²⁰ Galk Sen, ýa Reb, ynsan üstün çykmasyn, milletlere höküm çykarylsyn Seniň öňüňde.

²¹ Ýa Reb, gorka gapla milletleriň kalbyny, bilsin olar, özleriniň diňe ynsandyklaryny. Sela

Lamed

Lamed

²² Ýa Reb, näme üçin uzakda durýaň? Näme üçin muşakgatlyk wagty gizlenýäň?

²³ Erbetler öz tekepbirliginde yzarlaýar garyby; goý, guran hilelerine düşsün olaryň özi.

Nun

Nun

²⁴ Çünki erbetler göwün höweslerine magtanýar, açgözi alkyşlap, Saňa biparh garaýar.

²⁵ Tekepbirliklerinde Seni agtarmaz olar, pikirleriniň barynda «Hudaý ýok» diýýär.

²⁶ Elmydama üstünlikli bolýar olaryň ýoly, göz ýetirerlerinden Seniň hökümleriň ýokary. Olar ähli duşmanlarynyň üstünden gülýär.

(Mem)

(Mem)

²⁷ Ýüreginde diýýärler: «Bizi hiç zat sarsdyrmaz, nesillerden-nesle ýüzümiz ýamanlyk görmez».

Pe

Pe

²⁸ Olaryň agzy gargyşdan, aldawdan, zulumdan doly, dilleriniň astynda zyýan, etmiş bar.

Ğaýin

Ğaýin

²⁹ Obalaryň ýanynda bukuda olar oturýar, bigünäni gizlin ýerde öldürýär; göz astyna alyp, ejizi olar aňtaýar;

³⁰ şiriň sürende bukulyşy kimin gizlenýär, garyby garbamaga buky ýerde garaşýar; duzak gurup, garyby torlaryna düşürýär.

³¹ Olar egilýär we ýapyrylýar, ejiz-de olaryň goluna düşýär.

³² Olar ýüreginde şeýle oýlaýar: «Hudaý edenlerimizi unutdy, ýüzüni sowdy, Ol asla görmeýär muny».

Ķof

Ķof

³³ Galk Sen, ýa Reb! Eý, Hudaý, galdyr eliňi, ýadyňdan çykarma Sen ejizleri.

³⁴ Näme üçin erbetler Hudaýy ret edýär? ýüreginde: «Sen hasap soramarsyň» diýýär?

Reş

Reş

³⁵ Emma salýarsyň-a Sen nazary! Öz eliň bilen jezalaryny bereriň ýaly, dogrudan hem görýäň azap bilen külpeti. Saňa tabşyrýandyr ejiz özüni; ýetimiň hossary Sensiň.

Şin

Şin

³⁶ Erbet bilen betkäriň döw Sen goluny, erbetlikleri soňlanýança, jezalandyr olary.

³⁷ Reb ebedi hem-de baky Patyşa, Onuň ýurdundan ýiter milletler.

Taw

Taw

^38-39 Ýa Reb! Pespälleriň islegini eşidersiň, olaryň ýüreklerine kuwwat berersiň, ýetim bilen ejiziň hakyny almaklyk üçin gulak goýarsyň; asly toprakdan bolan ynsandan mundan beýläk hiç kim, goý, eýmenmesin.