Zebur 81 - Mukaddes Kitap

81‑nji mezmur

Asafyň mezmury

¹ Hudaý Öz mejlisinde ornuna geçip, ylahy barlyklaryň arasynda kazylyk edýär.

² Hudaý şeýle diýýär: «Haçana dek adalatsyz kazylyk edip, siz erbetlere tarapgöýlik etmekçi? Sela

³ Adalatly çözüň garybyň, ýetimiň dawalaryny, goraň ezileniň, mätäjiň hak-hukugyny.

⁴ Halas ediň ejiz bilen mätäji, erbetleriň golundan azat ediň olary.

⁵ Siz bilmeýärsiňiz, düşünmeýärsiňiz, siz garaňkylykda ýöreýärsiňiz, ýeriň binýatlary lerzana gelýär».

⁶ Men diýýärin: «Siz hudaýlarsyňyz, Beýik Hudaýyň ogullary – siziň baryňyz.

⁷ Emma adam ogly kimin siz ölersiňiz, şazadalar kimin ýykylarsyňyz».

⁸ Galk, eý, Hudaý, kazylyk et ýeriň ýüzüne çünki Seniňkidir ähli milletler.