Zebur 8 - Mukaddes Kitap

8‑nji mezmur

1 Aýdymçylar toparynyň ýolbaşçysyna. Gititde. Dawudyň mezmury .

¹ Aýdymçylar toparynyň ýolbaşçysyna. Gititde. Dawudyň mezmury.

² Ýa Hökmürowan Rebbimiz! Adyň neneň belent tutuş ýeriň ýüzünde! Ýaýdyň şöhratyňy gökler üstünde.

³ Sen Öz ýagylaryň sebäpli, duşmandyr öç alýany dymdyrmak üçin, çagalaryň, bäbekleriň alkyşlaryndan gala ýaratdyň.

⁴ Seniň gökleriňe – barmaklaryň işine, Seniň goýan Aýdyr ýyldyzlaryňa nazar aýlanymda, şeýle diýýärin:

⁵ «Adam näme Sen ony ýatlaryň ýaly? Ynsan ogly näme aladasyny ederiň ýaly?

⁶ Ony perişdelerden biraz pesräk ýaratdyň, oňa şöhrat bilen hormat jygasyny geýdirdiň.

⁷ Ony Öz elleriňiň işlerine hökümdar goýduň; ähli zady aýagynyň astynda goýduň:

⁸ goýunlardyr öküzleriň baryny, şeýle-de çöl haýwanlaryny,

⁹ gök guşlaryny, deňiz balyklaryny, deňiz içre ýüzýän bar jandarlary».

¹⁰ Ýa Hökmürowan Rebbimiz! Adyň neneň belent tutuş ýeriň ýüzünde!