Zebur 63 - Mukaddes Kitap

63‑nji mezmur

1 Aýdymçylar toparynyň ýolbaşçysyna. Dawudyň mezmury .

¹ Aýdymçylar toparynyň ýolbaşçysyna. Dawudyň mezmury.

² Eý, Hudaý, arz edenimde sesimi eşit, duşman wehiminden janymy gora.

³ Meni gizle erbetleriň dilleşmesinden hem-de betkärleriň gozgalaňyndan.

^4-5 Olar dillerini gylyç kimin ýiteldýär; bigünäni bukudan atmakçy bolup, ajy sözlerini peýkam kimin çeneýär; duýman durka ony atyp, asla gorkmaýar.

⁶ Olar ýaman niýetlerinden asla dänmeýär, gizlin duzaklary gurmak üçin dil birikdirýär, «Olary görjek barmy?» diýip oýlanýar.

⁷ Olar jenaýat etmegi niýet edinýär, olar: «Birkemsiz hile-pirim düzdük, ynsanyň kalbyny bilip bolmaýar» diýip, biri-birine aýdýar.

⁸ Emma Hudaý olara peýkamyn atar, olar duýdansyz ýaralanar.

⁹ Öz dilleri olaryň başyna ýeter, olary görenleriň bary hopugyp gaçar.

¹⁰ Ähli ynsanlar gorka düşerler, olar Hudaýyň işini beýan ederler; Onuň edeni barada pikir ederler.

¹¹ Dogry adam Rebde şatlansyn, goý, ol Rebbi özüne pena edinsin; ýüregi dogrularyň bary magtansyn.