Zebur 62 - Mukaddes Kitap

62‑nji mezmur

1 Dawudyň Ýahuda çölündekä aýdan mezmury .

¹ Dawudyň Ýahuda çölündekä aýdan mezmury.

² Eý, Hudaý! Sensiň Hudaýym, Seni agtarýaryn ir säher bilen, meniň janym teşnedir Saňa. Gurak, içgysgynç, suwsuz toprakda kimin Seni küýseýär meniň bedenim.

³ Seniň kuwwatyňy, şöhratyňy görmeklik üçin, mukaddes öýüňde Saňa seretdim.

⁴ Çünki Seniň sadyk söýgiň ýaşaýyşdan ýagşydyr, meniň dilim Saňa öwgüler aýdar.

⁵ Ömürboýy Saňa alkyş okaryn, ellerimi galdyryp, Saňa doga ederin.

^6-7 Düşegimde Seni ýatlan wagtymda, gijäniň nobatlarynda Sen hakda oýlananymda, janym ýilik bilen ýagdan doýan dek bolýar, şadyýan dilim bilen agzym Saňa öwgüler aýdar.

⁸ Çünki Sen meniň kömegim bolduň; ganatlaryňyň saýasynda şatlanyp, nagma aýdaryn.

⁹ Meniň janym Saňa mäkäm ýapyşýar, Seniň goluň meni goldaýar.

¹⁰ Janymyň kastyna çykanlar bolsa, ýeriň teýine inip giderler.

¹¹ Olar gylyjyň zarbyna berler, hem-de şagallara şam bolar.

¹² Şa bolsa Hudaýyň edenlerine şat bolar; Oňa wada berýänleriň bary heşelle kakar, çünki ýalançylaryň agzy baglanar.