Zebur 60 - Mukaddes Kitap

60-njy mezmur

1 Aýdymçylar toparynyň ýolbaşçysyna. Kirişli saz guralynda. Dawudyň mezmury .

¹ Aýdymçylar toparynyň ýolbaşçysyna. Kirişli saz guralynda. Dawudyň mezmury.

² Eý, Hudaý, eşit dat-perýadymy hem-de diňle meniň dogamy.

³ Meniň kalbym gam laýyna batanda, Seni çagyrýaryn ýeriň ujundan; çykyp bilmejek gaýama Sen meni çykar.

⁴ Çünki Sen meniň penamsyň, duşmana garşy mäkäm galamsyň.

⁵ Men çadyryňda baky mesgen tutaýyn, ganatlaryňyň astynda pena tapaýyn. Sela

⁶ Sen, eý, Hudaý, eden kasamlarymy eşitdiň, Öz adyňdan gorkýanlar üçin niýetlenen mirasy Sen maňa berdiň.

⁷ Şa ömrüniň günlerine günler goş, günlerini uzalt nesilden-nesle!

⁸ Goý, ol Hudaýyň huzurynda tagtda baky otursyn, söýgi bilen wepadarlyk ber, goý, olar ony gorasyn!

⁹ Kasamlarymy günde berjaý ederin, Seniň adyňa elmydama nagma aýdaryn.