Zebur 6 - Mukaddes Kitap

6-njy mezmur

1 Aýdymçylar toparynyň ýolbaşçysyna. Sekiz kirişli saz guralynda. Dawudyň mezmury .

¹ Aýdymçylar toparynyň ýolbaşçysyna. Sekiz kirişli saz guralynda. Dawudyň mezmury.

² Ýa Reb, gaharyňda meni ýazgarma, gazabyňda meni terbiýeleme.

³ Ýa Reb, maňa merhemet eýle, çünki mende ysgyn-mydar galmady; ýa Reb, maňa ber Sen şypaňy. Çünki galpyldaýar meniň süňklerim,

⁴ güýçli galpyldaýar janym hem meniň. Ýa Reb, haçana çenli bu dowam eder?

⁵ Ýa Reb, maňa öwrülip, halas et, meniň janymy, sadyk söýgiňiň hatyrasyna, azat et meni.

⁶ Çünki Seni gabyrda ýatlamak ýokdur; Saňa ölüler dünýäsinde kim öwgi aýdar?

⁷ Iňňildimden halys ýadadym, her agşam aglap, düşegimi suw-sil edýärin, ýorganymy gözýaşlaryma men gark edýärin.

⁸ Gözlerimiň nury öçdi gussa zerarly, küteldi ähli duşmanlarym sebäpli.

⁹ Menden daşlaşyň, eý, betkärleriň bary, çünki Reb eşitdi agy sesimi.

¹⁰ Reb eşitdi meniň ýalbaryşymy, kabul edýär Reb meniň dogamy.

¹¹ Ähli duşmanlarym utanyp, gorka gaplansyn, aljyrap birbada, yzyna dönsün.