Zebur 46 - Mukaddes Kitap

46-njy mezmur

1 Aýdymçylar toparynyň ýolbaşçysyna. Koranyň nesilleriniň mezmury .

¹ Aýdymçylar toparynyň ýolbaşçysyna. Koranyň nesilleriniň mezmury.

² Eý, ähli halklar, el çarpyşyň! Hudaýa heşelle kakyň!

³ Beýik Hudaý–Rebden gorkmalydyr, çünki Ol bütin ýer ýüzüniň Beýik Şasydyr.

⁴ Ol halklary biziň golastymyza berdi, milletleri aýak astymyza çökerdi.

⁵ Reb saýlap-seçip, bize ýurt berdi, biz – Onuň söýýän halky. Sela

⁶ Hudaý halkyň şadyýan sesleri bilen, Reb surnaýlaryň sesleri bilen ýokary çykýar.

⁷ Nagma aýdyň, nagma aýdyň Hudaýa, nagma aýdyň, nagma aýdyň Şamyza!

⁸ Çünki Hudaý tutuş ýeriň Şasydyr, Oňa mezmur bilen nagmalar aýdyň.

⁹ Milletlere hökümini ýöredýär Hudaý, Öz mukaddes tagtynda oturýar Hudaý.

¹⁰ Ybraýym Hudaýynyň halkyna goşulmak üçin, halklaryň asylzadalary ýygnanyşdylar; çünki tutuş ýeriň şalary Hudaýyňkydyr; Ol belende galdyrylandyr.